නාවලපිටි ශ්රී ලංකා පොදුජන පෙරමුණු රැස්වීම් ශාලාවේ පැවැත්වෙන ශ්රී ලංකා පොදුජන පෙරමුණ විසින් දිස්ත්රික් මට්ටමින් සංවිධානය කරනු ලැබූ ‘එක්ව නැගිටිමු’ ජන රැලි මාලාවේ දෙවැන්නට සහභාගී වීමට පැමිණි මහින්ද රාජපක්ෂට නාවලපිටියේ නරග මධ්යයේ දී දැවැන්ත විරෝධතාවයක් අද (10) උදේ එල්ල වූයේය.
මෙම ජන රැළිය මහින්දානන්ද අළුත්ගමගේ විසින් සංවිධානය කර තිබිණි.
ජිවන වියදම ඉහල යාම ඇතුළු ඉල්ලිම් ගණනාවක් මුල් කරගෙන පැවැත්වූ මෙම විරෝධයේ දී “හොරා හොර මහින්ද හොරා, හොර කාපු සල්ලි දියව් “ අදී වශයෙන් විරෝධතා පාඨ නාවලපිටිය මංසන්ධියේ රැස් වූ පිරිස් විසින් හඬ නගා කීහ.
කෙසේ වෙතත් උද්ඝෝෂණයක් සිදු කළ නාවලපිටිය ආසනයේ සමගි ජන බලවේගයේ නාවලපිටිය ආසන සංවිධායක සසංක සම්පත් සංජිව ඇතුළු එම පක්ෂයේ ආධාරකරුවන් දස දෙනෙකු නාවලපිටිය පොලිසිය විසින් අත්අඩංගුවට ගත්තේය.
එම පිරිස උද්ඝෝෂණය සිදු කිරිම සදහා නාවලපිටිය දිස්ත්රික් මහ රෝහල අසල සිට නාවලපිටිය නගරයට පැමිණෙන අතරතුර නාවලපිටිය පොලිසියේ නිලධාරින් ශබ්ද විකාශන යන්ත්ර උපයෝගි කරගනිමින් නාවලපිටිය නගර මධ්යයේ උද්ඝෝෂණය සිදු කිරීම සඳහා පොලිසියෙන් අවසර ලබාගෙන නොමැති බව පැවසුවද එය නොතකා එම පිරිස උද්ඝෝෂණය සිදු කිරිමට නගරයට පිවිසිමට උත්සහ කිරිමේදි ඔවුන් පොලිස් අත්අඩංගුවට පත් විය.
ශ්රි ලංකා පොදු ජන පෙරමුණේ නාවලපිටිය ආසනයේ ආසන බල මණ්ඩල රැස්විම හිටපු ජනාධිපති සහ අගමැති මහින්ද රාජපක්ෂ ගේ ප්රධානත්වයෙන් නාවලපිටිය මහින්දානන්ද පදනම් කාර්යාලයේදි අද (16) දින පැවැත් වු අතර, එම රැස්විමට විශාල ආධාරකරුවන් පිරිසක් පැමිණ සිටියහ.
දෙපිරිස අතර ගැටුමක් ඇති නොවිමට කටයුතු කරමින් සමගි ජන බලවේගයේ පිරිසට නාවලපිටිය නගර තුළට පිවිසමට හෝ උද්ඝෝෂණය කිරිමට ඉඩ නොදීමට පොලිසිය කටයුතු කළහ.
අත්අඩංගුවට ගත් සමගි ජනබලවේගයේ පිරිස නාවලපිටිය මහෙස්ත්රාත් අධිකරණය වෙත ඉදිරිපත් කරන බව නාවලපිටිය පොලිසිය පැවසිය.
නාවලපිටිය නගරයේ පැවති ශ්රි ලංකා පොදු ජන පෙරමුණේ නාවලපිටිය ආසන බල මණ්ඩල රැස්විම සහ සමගි ජන බලවේගයේ පැවැත්විමට තිබු උද්ඝෝෂණය හේතුවෙන් අමතර පොලිස් බලැණි සහ පොලිස් කැරළි මර්ධන ඒකකය නාවලපිටිය නගරයට කැදවා දැඩි ආරක්ෂාවක් යොදවා තිබුණි.
