ටිබෙට් ජාතික ළමයින් හා වැඩිහිටින්ගේ ඩීඑන්ඒ සාම්පල ඔවුන්ගේ කැමැත්තකින් තොරව චීන බලධාරීන් විසින් එකතු කරගෙන ඇති බව මානව හිමිකම්හි සංවිධානයක් වන හියුමන් රයිට්ස් වොච් සංවිධානය විසින් ප්රකාශනය කරන ලද නව වාර්තාවකින් පෙන්වා දෙයි.
ඔවුන් මෙම දත්ත එක්රැස් කරගෙන තිබෙන්නේ ‘අපරාධ හඳුනාගැනීමේ’ ව්යාපාරයක මුවාවෙනි. 1950 වසරේදී ටිබෙට් ජාතිකයින් නීතිවිරෝධී අන්දමින් චීනය තුළ පදිංචි වීමෙන් අනතුරුව චීනයේ ඉලක්කය වූයේ ඔවුන් එරටින් ඉවත් කිරීමයි. දශක හයකට වැඩි කාලයක් ඔවුන් ටිබටයේ ජනතාව පීඩාවට පත් කර ඇති අතර තවමත් එම තත්ත්වය දකින්නට ඇත. චීනය තමන්ගේම වාසියට හා නිරීක්ෂණ හැකියාවන් ශක්තිමත් කර ගැනීමට මෙලෙස ඩීඑන්ඒ සාම්පල එකතු කිරීමෙන් පෙන්වා දෙන්නේ ටිබෙට් ජනතාව මර්ධනය කිරීමට ඔවුන් ඕනෑම දෙයක් සිදු කිරිමට සූදානම් බව යැයි එම වාර්තාව පෙන්වා දෙයි.
නීමෝ ප්රාන්තයේ බාලාංශ තුනක ළමයින්ගෙන් චීන බලධාරීන් ඩීඑන්ඒ සාම්පල එකතු කරගෙන ඇති අතර ‘අපරාධ හඳුනාගැනීමේ’ ව්යාපෘතියක් යටතේ ළමයින්ගෙන් ඩීඑන්ඒ සාම්පල ලබා ගැනීමේ තේරුම කුමක්දැයි හියුමන් රයිට්ස් වොච් සංවිධානය ප්රශ්න කරයි. එලෙසම මෙලෙස බාලාංශ ළමුන්ගේ සාම්පල ලබා ගත්තේ දෙමව්පියන්ගේ කැමැත්ත මත ද? දරුවන්ගේ කැමැත්ත මත ද? යන්නත් මතභේදාත්මක කරුණක් බව එම සංවිධානය පවසයි.
“ඩීඑන්ඒ සාම්පල තොරතුරු ඉතා සංවේදී වන අතර එකඟතාවයකින් තොරව ඒවා ලබාගෙන බෙදාහදා ගන්නේ නම් එය පුළුල් පරාසයට අපයෝජනවලට පහසුකම් සලසනු ඇත..”
හියුමන් රයිට්ස් වොච් වාර්තාවේ වැඩිදුරටත් සඳහන් වේ.
