යුක්රේන රුසියා යුද්ධයේ දී කුලී හේවයාන් ලෙස රුසියාව වෙනුවෙන් යුක්රේනයේ සටන් වැදී ශ්රි ලාංකිකයන් දෙදෙනෙක් සහ යුක්රේනය වෙනුවෙන් සටන් වැදි ශ්රී ලාංකිකයන් තුන් දෙනෙක් අවම වශයෙන් මියගොස් ඇතැයි අල් – ජසීරා වාර්තා කර ඇත.
රට තුළ ඇති ධරුණු ආර්ථික බිඳවැටීමත් සමග තවත් ශ්රී ලාංකිකයන් බොහෝ දෙනෙක් කුලී හේවායන් ලෙස මෙම යුද්ධයට සම්බන්ධ වීමට කැමැත්තෙන් පසුවන බව ද අල් – ජසීරා වාර්තා කරයි.
රුසියාවේ දී මිය ගිය ශ්රි ලාංකික කුලී හේවායෝ
ඩොනෙට්ස්ක් කලාපයේ රුසියාව වෙනුවෙන් සටන් වදිමින් සිටිය දී රුසියානු බංකරයකට එල්ල වූ යුක්රේන ප්රහාරයකින් දරුණු ලෙස තුවාල ලැබූ ශ්රී ලංකික කුලී හේවායෙක් වු 36 හැවිරිදි සේනක බණ්ඩාර සිය සටන් සගයා වූ නිපුන සිල්වා සමග මුහුණ දුන් මාරක අත්දැකීම පිළිබඳව අල් – ජසීරා වාර්තා කර තිබුණේ ය.
ප්රහාරයෙන් සේනක තුවාල ලැබුවේය. ඔහුගේ දෙපා වලින් සා අත් වලින් රුධිරය ගලමින් තිබිනි. තුවාල ලබා සිටි නිපුනගේ තත්ත්වය බෙහෙවින්ම බරපතල වූයේය. ඔහුගේ පපුව, අත් සහ පාදවල තුවාල සිදුවී තිබුණේය. .
ධරුණු වෙඩි ප්රහාර මධ්යයේ නිපුනව ද වත්තම් කරගත් සේනක පසුබසින්නට වුයේය. ඒ සමගම තවත් යුක්රේන ඩ්රෝන රැල්ලක් ඔවුන් වාඩිලාගෙන සිටි ඩොනෙට්ස්ක් ප්රදේශයේ රුසියානු බංකර කලාපයට එල්ල වූයේය.
“මම නිපුන වත්තම් කරගෙන අමාරුවෙන් ඒ කලාපයෙන් පසුබසින්නට වුනා. ඒත් බංකර පෙළේ අවසාන බංකරය අසලට තවත් දැවැන්ත ඩ්රෝන් ප්රහාරයක් එල්ල වුනා. ඒ ප්රහාරයෙන් නිපුන බිම ඇදගෙන වැටුණා. ඔහු වැටුණා. නැවත මට ඔහුව ඔසවාගෙන යන්න ශක්තියක් තිබුනෙ නෑ. යුක්රේන ඩ්රෝන යානාවලින් ඇදගෙන වැටුණෙ මරණ වරුසාවක්. ඒක පුදුමාකාර වේදනාවක්. මට නිපුන අත්හැර යැම හැර වෙන විකල්පයක් තිබුණෙ නෑ… ” සේනක මේ මස මුලදී නැගෙනහිර යුක්රේනයේ ඩොනෙට්ස්ක් හි රෝහලක තුවාල ලබා ප්රතිකාර ලබමින් සිටියදී කීවේය.
නිපුන කීවේ තත්ත්වය මේ තරම් භයානක බව ඔවුන් නොදැන සිටි බවය. රුසියානු සහායක හමුදාවට බැඳී ඉදිරිපෙළට යෑමට පෙර ඔවුන් පුහුණු පාඨමාලා දෙකකට සම්බන්ධ වී තිබිණි.
” තත්ත්වය මෙතරම් භයානක බව අපි දැන සිටියේ නෑ… ඩොනෙට්ස්ක්හිදී, අපට ‘බංකර් රාජකාරියට’ යන්න කිව්වා. නමුත් අප යන්නේ ප්රහාරයක් එල්ල වෙමින් ඇති තැනකට බව අපි දැනගෙන හිටියේ නෑ.” වට්ස් ඇප් හඬ පට මගින් සිද්ධිය විස්තර කරමින් සේනක බණ්ඩාර අල් – ජසීරා සමග සිය අත්දැකීම් බෙදා ගත්තේය.
පසුව රුසියානු හමුදා සමඟ සටන් කරන අනෙකුත් ශ්රී ලාංකිකයන් විසින් නිපුනගේ සිරුර හඳුනාගෙන තිබිණි.
සේනක පවසන පරිදි, මෑත මාසවලදී රුසියාව වෙනුවෙන් සටන් කරමින් අඳුරු ඩොන්ටෙස්ක් යුධ පිටියේ මිය ගිය නිවර්තන දකුණු ආසියානු දූපතේ දෙවැන්නා නිපුනය.
වාර්තා වූ මරණ දෙක පසුගිය වසරේ රුසියාවේ ආක්රමණයට එරෙහිව යුක්රේනය වෙනුවෙන් සටන් කරමින් සිටියදී මියගිය ශ්රී ලාංකිකයන් තිදෙනාට එකතු වේ.
රුසියාවේ සටන්කරුවෙකුට මසකට ඩොලර් 3,000 දක්වා වැටුප් පිරිනැමීම සහ රුසියානු පුරවැසිභාවය පිළිබඳ අපේක්ෂාවෙන් බොහෝ ශ්රි ලාංකිකයන් මේ යුද්ධයට පැටලෙන අවකාශයක් නිර්මාණය වී ඇති අයුරු විදෙස් මාධ්ය වාර්තා කරයි.
ගණනක් ශ්රී ලාංකිකයන් දැන් යුක්රේනයේ රුසියානු හමුදාව සමඟ සේවය කරන බව රුසියාවේ වෙසෙන ශ්රී ලාංකිකයන් විසින් අල් ජසීරා වෙත තහවුරු කර ඇත.
මම මැරුණොත් අඩුම තරමේ මගේ බිරිඳටයි දරුවන්ටයි අනාගතයක් හැදෙයි…
ශ්රී ලංකාවේ විශ්රාමික සහ වත්මන් හමුදා සාමාජිකයින්ට අනුව, තවත් බොහෝ දෙනෙක් රුසියානු පෙරමුණේ ස්ථාන ගත වීමට කැමැත්තෙන් සිටිති. යුක්රේනයේ දී මිය ගියද ඔවුන්ට බලාපොරොත්තුවක් තිබේ. ඒ සිය දරුපවුලේ අනාගත සුබ සිද්ධිය ය.
“ මම යුද බිමේ මැරුණොත් අඩුම තරමේ මගේ බිරිඳට දරුවන්ට වන්දියක්වත් ලැබෙනවා. අවම වශයෙන් ඔවුන්ට රුසියාවේ වඩා හොඳ ජීවිතයක් ලැබේවි. ඔවුන්ට රුසියාවට ගොස් පුරවැසිභාවය ලබා ගත හැකිය, ” වත්මන් ආර්ථික පීඩනයෙන් අපේක්ෂා රහිතව සිටින විශ්රාමික ශ්රී ලාංකික සොල්දාදුවෙක් ඔහුගේ නිර්නාමිකභාවයේ කොන්දේසිය මත කතා කරමින් අල් ජසීරාට පවසා තිබිණි. අනුරාධපුර ප්රදේශයේ පදිංචිකරුවෙකු වන ඔහු පවසා තිබුනේ ශ්රී ලංකාවේ ආර්ථික දුෂ්කරතා සහිතව ගෙවන ජීවිතයට වඩා තමාට වඩා රුසියානු හමුදාවට බැඳීමෙන් ජීවිතය අහිමිවීම සම්බන්ධව කනස්සල්ලට පත් නොවන බවය.
සේවයේ නියුතු ශ්රී ලාංකික සොල්දාදුවෙක් අල් ජසීරා වෙත පැවසුවේ රුසියානු හමුදාවට බැඳීමට අවස්ථාවක් ලැබුණහොත් තම තනතුර අත්හැරීම ගැන සලකා බලන බවයි.
“එය භයානක බව මා දන්නවා. , නමුත් මට වෙනත් විකල්පයක් නෑ…,” රජයේ බදු සහ වෙනත් කප්පාදු කිරීම් සිදු කිරීමෙන් පසු සෑම මසකම ජීවත් වීමට තමන්ට ලැබෙන්නේ රුපියල් 20000ක් ( ඩොලර් 65ක් ) පමණක් බව ද ඔහු පවසා තිබිණි.
උසස් අරමුණු නැත. අපෙක්ෂාව සිය අනුචරයන් ජීවත් කරවීමට අවශ්ය ආර්ථික පරිසරයක් නිර්මාණය කර ගැනීමය. ජීවත් වීම සඳහා ඔවුහු මරණය තෝරාගෙන සිටිති. එය රටේ ඛේදවාචකය ලෝකයට ප්රකාශ වන ආකරය ය.
