මැයි නවවැනිදා රටම ගිනිතබා හිටපු අගමැති මහින්ද සිය ධූරය ද අතහැර නැගෙනහිරට පළා ගියේය.
කලක් තිස්සෙ ඉවසිල්ලෙන් බලා සිටි අපායේ ආරාධනා කමිටුව අවසානයේ මහින්දට ආරාධනාවක් වට්ස්ඇප් කළහ. ඒ බව සැලවූ දිව්ය ලෝකය, නිල නිවාඩුවක් ප්රකාශයට පත් කර සත් දිනක් එකදිගට සාද පැවැත්වීමට තීරණය කළේය. කලක් හැට නව ලක්ෂයකින් මහින්ද ලද පුණ්යානුමෝදනා දැක දෙව් ලොව පවා කලබල වී සිටි බව විශ්වාසවන්ත ආරංචි මාර්ග පවසයි.
මහින්දට යැවූ ආරාධනය පිළිබඳ පසුදින යක්ෂ මීටිමේ දී කණ වැකුණු යමයාට යකා නැග්ගේය.
“කවුද යකෝ මූට ආරාධනා කළේ මට කියන්නේ නැතුව?” යමයා යක්ෂාවේශයෙන් ගිගිරුවේය.
යමයාගේ බහට පිටින් නොයන අපායේ ආරාධනා කමිටුව බියෙන් සලිතව ගියහ.
“ඇයි ලොක්කා අපි දැන්වත් මේ යෝධයට ආරාධනා කළේ නැත්තන් මෙහේ යක්කුත් අරගල කරන්න ගනියි. දැනටත් කනින් කොනින් ඇහෙනවා ‘මයිනා වෙල්කම් පාර්ටි’ වලට යක්කු රෙඩි වෙනවා. මුන් මෙහේ ලොක්කගේ විමානේ ඉස්සරහා ‘මයිනා ඕනේ ගමක්’ හදාගෙන ඒකව බෙදා ගන්න බැරුව ගහ මරා ගනියි කියලා හිතුන හින්දයි ඉන්විටේෂන් යැව්වේ” යක්ෂයෙක් අහිංසක හඩින් කීය.
“ඉතිං ගොන් යකෝ තොපි මැයි නව වැනිදම ඕක යැව්වේ ඇයි? මොකද මිනිහව ගෙන්න ගන්නව නම් ඊට ඉස්සර කරපු දේවලට දහ දොළොස්වතාවක්ම කැඳවන්න තිබුණනේ?” යමයා අදහා ගනු බැරිව ඇසීය.
“නවවැනිදා මයිනා දුන්නේ අපාය පවා කම්පා වෙන ගේමක්නේ බොස්. එවෙලේ හිටන් මෙහේ යක්කු කෑ කහනවා ‘මයිනා දියව් මයිනා දියව්’ කියලා” යකා සතුටෙන් පුටුව අගටම ආවේය.
“මෝඩ යකෝ, ඌ එන එක මම මෙච්චර කල් පරක්කු කරේ ඇයි?” යමයා ඇසීය.
“ඇයි?” සෙසු යක්කු එක හඩින් ඇසූහ.
“බයට බයට. වෙන මොනවටද? ඒකා මගේ පුටුවටත් විදියිද කියලා බයට. අවුරුදු හැත්තෑ පහක් ගිහිල්ලත් කොණ්ඩෙ සුදු නොවුණු එකෙක් කොහොම විශ්වාස කරන්නද බං? (අපායේ කොණ්ඩා ඩයි කිරීම සහ වෙස් මාරැ කර සිටීම ලෝ දිය පෙවීමට වරදකි) හරි ඉතිං නවය මොකද වුණේ? ඇයි මිනිහා අය්යගේ පුටුවට ගේම දෙන්න හැදුවද?” යමයා බියෙන් වෙව්ලමින් ඇසුවේය.
“වක්රාකාරව ඒකටත් සම්බන්ධයි. ඒ මදිවට අරලිය ගෙදරට බස්වලින් සෙනග ගෙනත් රට ජාතිය ආගම යහමින් මිශ්ර කළ ප්රයිඩ්රයිස් කවලා සීයට තිස් තුනක් අමන විසේ ඇති ගල් පොවලා මන්ත්රී ඇමති මදාවි සෙට් එකක් දම්මලා ගෝඨාගෝගමට ගැස්සුවනේ ලොක්කා” යකෙක් දුකෙන් කීය.
“මූ පිස්සු යකෙක්නේ බං. ගෝඨාගෝගමේ ඉන්න උන්ට මමත් රෙස්පෙක්ට්නේ” යමයා ගැහෙන්නට ගත්තේය.
“ඒකනේ ලොක්කා” මෝඩ යකා සිනාසුනේය. යමයා මොහොතකට සිතුවිල්ලක පැටලූණේය.
“ඉතිං මයිනගේ ගෝලයෝ රොත්තටත් ආරාධනා යැව්වද?” අමතක වූ යමක් හදිසියේ සිහිවූවාසේ යමයා ඇසුවේය. කමිටුවේ සබාපති යකා හිස සලා ‘ඔව්’ යැයි කීවේය. යමයාට ප්රථම වතාවට මද සිනහවක් නැගුණි. ඒ හිනාව කුමක් දැයි අපායේ යක්කු දනිති.
“ඊට පස්සෙ මොකද වුනේ?” යමයා යළිත් කතාවට අවතීර්ණ වූයේය.
“ගෝඨාගෝගමට ගහපු තරහටයි, ප්රෙට්රල් ගෑස් විදුලිය කිරිපිටියි නැතිඑක මතක් කරලයි රටම නෙළුවනේ මැති ඇමති මංත්රීලගේ නිවෙස්වලට” යකෙක් උද්දාමයෙන් කීය.
“ඉතිං අපෙන් මොනවද වෙන්න ඕනේ කියලා හොයලා බැලුවේ නැද්ද?” ප්රීතිමත් යමයා අපේක්ෂා සහගතව යක්ෂ සභාවෙන් ඇසුවේය.
“අපිත් සපෝර්ට් එකට සෙට් එකක් බැස්සුවා. ඒත් වැඩක් වුණේ නෑ ලොක්කා” යකෙක් පසුබෑවේය.
“ඇයි?” යමයා වික්ෂිප්ත විය.
“සපෝර්ට් දෙන්න වුණේ නෑ. මෙහෙ කොහෙද ලොක්කා යක්කු ඉන්නේ. එහෙනෙ මහ ජරා යක්කු ඉන්නේ. උන් ඉවක් බවක් නැතුව වැඩ කරන්නේ. පොලිටිකල් ගේම් දෙකකට පර්සනල් එකහමාරක් ගහනවා” යකෙක් දුකෙන් කීය.
“දැන් කෝ මයිනා?” යමයා වට පිට බලමින් බියෙන් ඇසුවේය.
“කාලයක් පර දෙමෙළු ඉන්නවා කියලා එයාම කියපු නැගෙනහිර පළාතට වෙලා හැංගිලා ඉන්නේ” පණ්ඩිත යකෙක් කී.
“දැන් එතකොට කවුද අගමැති?” යමයා ඇසීය. පිළිතුර අසා යමයා පුටුවෙන් නැගිටුණේය.
“යකෝ, අපායෙත් නැති ගේම්නෙ බං මූ ගහන්නේ” යමයා තමාටම කියා ගත්තේය.
“ලොක්කා මම සෙට් එකක් බස්සලා මයිනව උස්සන් එන්නද?” මෝඩ යකා ඇසීය.
“පිස්සුද යකෝ? ඌ ලංකාවම අපායක් කරලනේ තියෙන්නේ. ආයේ මොන මගුලටද මෙහේ එක්කන් එන්නේ?”
“
