එංගලන්ත කණ්ඩායම ශ්රී ලංකාව පරදවා කඩුළු 04ක විශිෂ්ට ජයග්රහණයක් අත් කර ගත්තේය.
ඒ අනුව ශ්රි ලංකාව සිය ලෝක කුසලාන චාරිකාව නිමා කර සිය රට පැමිණිමට නියමිතව ඇත.
ඔස්ට්රේලියාවට තැබුණු අවසන් පූර්ව වටයට තේරීමේ අවස්ථාව අහිමි වී තිබේ. එම අවස්ථාව එංගලන්ත කණ්ඩායම විසින් හිමි කරගෙන ඇත.
කාසියේ වාසිය දිනූ ශ්රී ලංකා කණ්ඩායම මුලින්ම පන්දුවට පහර දෙමින් ලකුණු 141ක් කඩුළු 08ක් දැවි ලබා ගත්තේය. පැතුම් නිශ්ශංක පන්දු 45ක දී ලකුණු 67ක් ලැබුවේය. මිනිත්තු 70ක් කඩුල්ලේ රැඳී සිටියේය. හයේ පහර 05ක් සහ හතරේ පහර 02ක් ඔහුගේ ලකුණු 67ට ඇතුළත් විය. කුසල් මෙන්ඩිස් ලකුණු 18ක් සහ භානුක රාජපක්ෂ ලකුණු 22ක් ලැබුවේය. අනෙක් එක් ක්රීඩකයෙක්වත් ලකුණු 10 සීමාව ඉක්මවා ගියේ නැත. මාර්ක් වුඩ් පන්දු ඕවර 03ක් තුළ ලකුණු 26කට කඩුළු 03ක් ලැබීය. අඩිල් රෂීඩ් පන්දු ඕවර 4 තුළ ලකුණු 16ක් පමණක් දී කඩුළු 01 ලැබුවේය.
පිළිතුරු ඉනිම ක්රීඩා කිරීමට පැමිණි එරංගලන්ත කණ්ඩායම ජයග්රහාහී ආරම්භයක් ලබා ගත්තේය. ඔවුන්ගේ මුල් කඩුල්ල ලෙස නායක ජොස් බට්ලර් දැවී යන්නේ පළමු කඩුල්ල වෙනුවෙන් ලකුණු 75ක සමස්බන්ධයක් තැබීමෙන් අනතුරුවය. බට්ලර් පන්දු 23ක දි ලකුණු 28ක් ලැබීය. හයේ පහරක් සහ හතරේ පහර 2ක් ඊට ඇතුළත් විය.
ඇලෙක්ස් හෙලෙස් පන්දු 30ක දී ලකුණු 47ක්, බෙන් ස්ටොක් පන්දු 36ක දී නොදැවී ලකුණු 42ක් ලැබුවේය.
පන්දු යැවීමේ දී ලහිරු කුමාර පන්දු ඕවර 3.4 ක දී ලකුණු 24ට කඩුළු 02ක්, වනිඳු හසරංග පන්දු ඕවර 4ක දි ලකුණු ලකුණු 23ට කඩුළු 02ක්, ධනංජය ද සිල්වා පන්දු ඕවර 4 දී ලකුණු 23ට කඩුළු 2ක් ලැබුවේය.
ශ්රී ලංකා කණ්ඩායමේ ලකුණු ලබා ගැනීමේ වේගය පාලනය කරමින් පන්දු ඕවර 4 තුළ ලකුණු 16ක් පමණක් දී කඩුළු 01ක් ලබා ගත් අඩිල් රෂීඩ් දවසේ ක්රීඩකයා ලෙස සම්මානය ලැබුවේය.
