එංගලන්තයේ ලැන්කෂයර් ප්රාන්තයේ අවුරුදු 13න් පහළ සහ අවුරුදු 15න් පහළ ක්රීඩකයන්ගෙන් සමන්විත X Pro ක්රිකට් ඇකඩමි කණ්ඩායම සතියක ක්රිකට් සංචාරයක් සඳහා අද (අප්රේල් 1) ශ්රී ලංකාවට පැමිණියා. ශ්රී ලංකාවේ හිටපු ක්රීඩක අමල් දළුගොඩගේ පුහුණුකාරීත්වයෙන් යුතුව පැමිණි මේ කණ්ඩායමේ නායකයා ලෙස ලූක් යේට්ස් කටයුතු කරනවා.
‘මේ ටුවර් එක ඉතාමත් හොඳ අත්දැකීමක් එක්ස් ප්රෝ ඇකඩමියේ පොඩි ක්රීඩකයන්ට. අපේ රටේ තණතීරුවල ක්රීඩා කරලා හොඳ අත්දැකීමක් ලබාගන්න එයාලට හොඳ අවස්ථාවක් ලැබිලා තියෙනවා. මේක හොඳ ටීම් එකක්. ලැන්කෂයර් ප්රාන්තයේ හොඳම ක්රීඩකයන් පිරිසක්. අතිදක්ෂ ආරම්භක පිතිකරුවන්, වේගපන්දු යවන්නන් වගේම දඟපන්දු යවන්නන් කිහිපදෙනකුත් ඉන්නවා.‘ X Pro ක්රිකට් ඇකඩමි කණ්ඩායමේ පුහුණුකරු අමල් දළුගොඩ ගුවන්තොටුපොලේදී එසේ කීවා.
X Pro ක්රිකට් ඇකඩමි පිලේ නායකයා ලෙස කටයුතු කරන luke yates කියා සිටියේ මෙසේය.‘එංගලන්තයට වඩා හාත්පසින්ම වෙනස් තණතීරුවල ක්රීඩා කරමින් අත්දැකිම් එකතු කරගැනීමට මේ සංචාරය ඉතා වැදගත්. ලංකාව ගොඩාක් උෂ්ණාධික රටක්. දඟපන්දු යවන්නන්ට වාසිදායක වෙයි කියලා බලාපොරොත්තු වෙනවා. අපිට හොඳ දඟපන්දු යවන්නන් කිහිපදෙනකුත් ඉන්නවා. අපි හොඳ ශක්තිමත් කණ්ඩායමක්. තරග කිහිපයක් දිනා ගැනීමට ක්රීඩකයන්ට හැකිවෙයි කියලා විශ්වාස කරනවා.‘
X Pro ක්රිකට් ඇකඩමි කණ්ඩායම අද(අප්රේල් 2) එන්සීසී ක්රිකට් ඇකඩමි පිල සමඟ එන්සීසී පිටියේදී සීමිත ඕවර 50 තරගයකට ක්රීඩා කරන අතර, 3 වැනිදා හලාවත ඇකඩමි පිල සමඟ තර්ස්ටන් පිටියේදී විස්සයි20 තරග 2කට ක්රීඩා කිරිමට නියමිතයි.
අනතුරුව 6 වැනිදා ගාල්ල මහින්ද විද්යාලයිය ක්රීඩාංගණයේදී මහින්ද විද්යාලයීය අවුරුදු 15න් පහළ කණ්ඩායම සමඟ විස්සයි20 තරගයකට ක්රීඩා කරන අතර, 7 වැනිදා එන්සීඒ ඇකඩමි පිල සමඟ නාරහේන්පිට එස්එල්ඩීසී ක්රීඩාංගණයේදී සීමිත ඕවර 50 තරගයකට සහභාගි වීමට නියමිතයි.
X Pro ක්රිකට් ඇකඩමි කණ්ඩායමේ ශ්රී ලංකා ක්රිකට් සංචාරයේ අවසන් තරගය මේ මස 9 වැනිදා සීසීසී ඇකඩමි පිල සමඟ පී. සරා ඕවල් පිටියේ පැවැත්වෙන සීමිත ඕවර 50 තරගයෙන් නිමාවට පත් වෙයි.
X Pro ක්රිකට් ඇකඩමි පිල මෙසේය. – ලූක් යේට්ස් (නායක), අවීන් දළුගොඩ, කොබී කැම්බෙල්, ඩයිලාන් යේට්ස්, චාලි ජැක්සන්, ටොම් බෙන්ට්ලි, හැරිසන් ප්රිල්, ජොෂ් ඩේවිස්, ජේකොබ් ප්රිල්, ලුවිස් වයිට්ල්, ෆායිස් කහඳු, චාලිස් බෙන්ට්ලි, රියොන් දළුගොඩ, සැන්ඩි මැකිවේන්.
