මනම්පිටිය නිමල් ජයරත්න –
නැගෙනහිර පළාතේ සිංහල, දමිළ, පාසල් දරුවන් අතර සංහිඳියාව වර්ධනය කිරීමේ අරමුණින් පැවැත් වූ භාෂා ප්රවීණතා වැඩසටහනේ අවසන් අදියර නැගෙනහිර ආරක්ෂක සේනා මූලස්ථානයේදී නැගෙනහිර ආරක්ෂක සේනාංකාධිපති මේජිර් ජෙනරාල් ප්රසන්න ගුණරත්න ගේ සහ නැගෙනහිර නියෝජ්ය පොලිස්පති අජිත් රෝහණගේ මෙන්ම නැගෙනහිර පළාතේ යුද හමුදාවේ උසස් නිලධාරීන්ගේ සහභාගිත්වයෙන් පසුගියදා පැවැත්විණි.
නැගෙනහිර ආරක්ෂක සේනා ආඥපතිගේ සංකල්පයක් හා මගපෙන්විම යටතේ ආරක්ෂක සේනා මූලස්ථානය මගින් එකිනෙකාගේ භාෂා හැකියාව ඔප්නැංවිම තුළින් සිංහල හා දෙමල සිසු සිසුවියන්ගේ සමගිය වර්ධනය කිරිමේ අරමුනින් මෙය සංවිධානය කර තිබුණි.
මීට අමතරව පො/දිඹු/නෙලුම්වැව මධ්ය මහ විද්යලය, සිංහපුර ප්රාථමික විද්යාලයේ සිසුන් 188 දෙනෙකුට දෙමළ භාෂාව ඉගැන්වීමත්, මඩකලපුව රාමක්රිෂ්ණ විද්යාලයේ සහ මුදලිකුඩා මහා විද්යාලයේ දෙමළ සිසුන් 120 දෙනෙකුට සිංහල භාෂාව ඉගැන්වීමේ කටයුතුද මීට සමගාමීව සිදුකර අවසන් වූහ.
ඒ අනුව නැගෙනහිර පළාතේ මෙම ආදර්ශ වැඩසටහනට යටතේ සිංහල, දමිළ, මුස්ලිම්, සිසුන් අතර අදහස් හුවමාරු කරගැනීමට අමතරව අන්යෝන්ය සුහදත්වය වර්ධනය කර ගැනීමටද ඉඩ සැලසුණි.
මෙම උත්සවයේදී සිංහල, දමිළ, මුස්ලිම්, දරුවන්ගේ දක්ෂතා ඉදිරිපත් කිරිමටද අවස්ථාවක් සලසා දී තිබූ අතර නාට්ය, ගීත, ගායනා අධ්යාපනික වැඩසටහන් ඇතුළු අලුත් අවුරුදු ජල ක්රිඩා රැසක් ද මෙහිදී පැවැත්වීමට යුද හමුදාව අවස්ථා සලසා දුන්නේය. ඔවුනට ත්යාග සහ සහතික පිරිනැමද සිදු විය.
මෙම උසත්සව සභාවට පැමිණ සිටි පිරිස අමතමින් නැගෙනහිර ආරක්ෂක සේනාංකාධිපති මේජර් ජෙනරාල් ප්රසන්න ගුණරත්න සඳහන් කළේ, ජාතින් අතර සංහිඳියාව වර්ධනය කිරිමට එකිනෙකාගේ භාෂාවන් පිළිබද අවබෝධයක් ඇති කිරිමේ වටිනාකම පිළිබඳව මනාලෙස පැහැදිලි අවබෝධයෙන් කටයුතු කළ යුතු බවයි,
ඒ සඳහා වැඩසටහන් වලින් උපරිම ප්රයෝජන ලබාගෙන තම භාෂා හැකියාව වර්ධනය කරගන්නා ලෙසත්, පැමිණී සිටි සිසු සිසුවියන්ගෙන් ඉතා ගෙෑරවයෙන් යුතුව තමා ඉල්ලා සිටින බවත්, ශ්රි ලංකා යුද්ධ හමුදාව නිරතුරුවම ප්රදේශයේ සාමය හා සමගිය වර්ධනය කිරිමේ ක්රියාවලියෙහි පුරෝගාමියා ලෙස කටයුතු කරන බවත් ප්රසන්න ගුණරත්න වැඩිදුරටත් ප්රකාශ කළේය.
