ආයෙමත් පරාදය. පන්දු ඕවර 50 තරගයේ දී අපි පන්දු ඕවර 43.3 ක පමණක්ල ක්රීඩා කර 209කට දැවි ගියේය. ඔස්ට්රේලියාව පන්දු ඕවර 35.2ක දී තරගය ඉවර කළේය.
අප කඩුළු 05කින් පරාදය.
මෙවැනි හිඟන ගැහිල්ලක් ගහන්න ජාතික කණ්ඩායමක් මොකටද කියා හිතෙන්නේය. ආරම්භක සම්බන්ධතාවය ලකුණු 125ක් වූ විට බැටින් පිච් එකක අනික් උන් හැත්තට තවත් ලකුණු 125ක් ගහනන්න බැරි කාලකණ්ණිකමට ක්රිකට් කියා කියන්නට බැරිය.
කුසල් ජනිත් සහ පැතුම් නිශ්ශංක පිටියෙන් ගිය පසු ඊලඟ කෑල්ල හරියමට ඉන්දියා ශ්රී ලංකා ආසියානු කුසලාන අවසන් මහා තරගය වාගේය. උන් හරියට බැට්ස්මන්ලා නොව, මෙරු වාගේය. අවෝ… ගියෝ… පිතිකරුවන් 07ක් දැවී ගියේ ලකුණු 10ට පහළිනි.
තණතීරුවේ කිසිම ගැටලුවක් තිබුණේ නැත. ඒ බව කුසල් ජනිත් සහ පැතුම් පෙන්නුවේය. ලකුණු 300ක් වුවද බේරා ගත නොහැකි තැනක තණතීරුව තිබුණේ.ය ආරම්භක පිතිකරුවන් යුගලය දැක්වූ සංයමයෙන් යුතු පිතිකරණ රිද්මය අනුව ලකුනු 325ක ලකුණක් කරා ශ්රී ලංකා කණ්ඩායම යනු ඇතැයි ජාත්යාන්තර විචාරකයෝ මුල් අවස්ථාවේ දී පුරෝකථනය කළහ.
එහෙත් කුසල් ජනිත් ලකුණු 78කට සහ පැතුම් නිශ්ශංක ලකුණු 61කට දැවී ගිය පසු ලකුණු 20 සීමාවට පැමිණියේ චරිත් අසලංක පමණි. චරිත් ලකුණු 25ක් ලැබුවේය. එච්චරය.
නැවුම් නායක කුසල් මෙන්ඩිස් ලකුණු 09කි. සධීර සමරවික්රම ලකුණු 08කි. ධනංජය ද සිල්වා ලකුණු 07කි. දුනිත් වෙල්ලාලගේ ලකුණු 2කි. චාමික කරුණාරත්න ලකුණු 02කි. මහීෂ් තීක්ෂණ ලකුණු ලැබුවේ නැත. ලහිරු කුමාර ලකුණු 04කට දැවි ගියේය. දිෂාන් මධුසංක ලකුණු නොලබා නොදැවී සිටියේය.
පන්දු ඕවර 21.4 දී පළමු කඩුල්ල ලෙස මුළු ලකුණු සංඛ්යාව 125 දී පැතුම් නිශ්ශංක දැවී ගියේය. හරිම සතුටු හිතෙන්නේ පන්දු ඕවර 43.3 වනවිට ලකුණු 209කට සියල්ලන්ම දැවී යෑමය.
පන්දු යැවීමේ දී ඔස්ට්රේලියාව වෙනුවෙන් විශිෂ්ටම පන්දු යැවීම කරන්නේ දකුණතින් ලෙග් බ්රේක් පන්දු යවන ඇඩම් සම්ප්සාය . ඔහු ලකුණු 47ට කඩුළු 04ක් දවා ගන්නේය. මිෂෙල් ස්ටාක් ලකුණු 43ට කඩුළු 2කි. පැට් කුමින්ස් ලකුණු 32ට කඩුළු 02කි. ග්ලෙන් මැක්ස්වෙල් අවසන් කඩුල්ල දවා ගත්තේය.
හඹා ගොස් ජයගත යුතු ලකුණක් අප ඕස්ට්රේලියාවට ලබා දී තිබුණේ නැත. ආරම්භක පිතිකරු මිෂෙල් මාර්ස් පන්දු 51ක දී ලකුණු 52කි. මානස් ලබුස්චගන් පන්දු 60ක දී ලකුණු 40කි. ජොෂ් ඉන්ගිලිස් පන්දු 59ක දී ලකුණු 58කි.
ග්ලෙන් මැක්සවෙල් ලකුනු 31ක් සහ මාර්කස් ස්ටොන්ස් ලකුණු 20ක් ලබාගෙන නොදැවී තරගය නිමා කළහ.
ඩිෂාන් මධුසංඛ විසින් තරගයේ 3වන ඕවරයේ 1 පන්දුවේ දී සහ 6වැනි පන්දුවේ දී ලකුණු නොදී කඩුළු 02ක් ලබා ගෙන යම් තරගයක් ඔස්ට්රේලියාවට එරෙහිව නිර්මාණය කළේය. දවා ගත් කඩුළු 05න් තුනක් ඔහුගේය. ඩිල්ෂාන් මධුසංක ලකුණු 38ක් පමණක් දී එම කඩුළු 03 ලැබුවේය.
එක් කඩුල්ලක් ලකුණු 53කට දුනිත් වෙල්ලාලගේ ලබා ගත්තේය. ආරම්භක පිතිකරු මිෂෙල් මාර්ෂ් දුවද්දී දැවී ගියේය.
දැන් අපේ රටේ ක්රිකට්වලට ආදරය කරන හැම එකාටම සිදුවන දේ වැටහෙමින් තිබේ. මේ ක්රිකට් නම් සුද්ද කළ යුතුය. ක්රිකට් ඇතුළේ සූදු කෙළින ක්රිකට් පාලක මණ්ඩලය පමණක් නොව, බොරුවෙන්ම ගේම ගහන මහේල ජයවර්ධනගේ සිට මේ පුහුණුකරුවන්, තේරීම් කමිටු, ඇතුළු සියල්ලන්ම සුද්ද කළ යුතුය.
ඒ නොවන තාක් මේ ක්රිකට් වලට වඩා මළ ගෙවල්වල බූරු ගහන එක හොඳය.
