ශ්රී ලංකා කණ්ඩායමක් තොරණක් වගේය. පත්තු වුන සැනින් නිවෙන්නේය. නිවි නවි පත්තු වෙන්නේය. ජයග්රහණයක ස්ථාවරත්වය පිළිබඳ කිසිම විශ්වාසයක් නැත. දැන් අපට හිතෙන්නේ කණ්ඩායම හරියට ක්රීඩා කිරීම ස්වීප් එක්ක ඇදෙනවා වගේ අහම්බයක් ලෙසය.
නවසීලන්ත ශ්රී ලංකා දෙවැනි විස්සයි විස්ස තරගයේ ශ්රී ලංකා කණ්ඩායම පන්දු ඕවර 20ක් ක්රීඩා කළේ නැත. පන්දු ඕවර 19 දී සියල්ලෝ ලකුණු 141කට දැවී ගියහ.
කාසියේ වාසිය දිනූ නවසීලන්ත කණ්ඩායම ශ්රී ලංකාවට මුලින්ම පන්දුවට පහරදීමට ඇරයුම් කළේය.
මේ පළමු තරගයේ ලකුණු 196ක් ලබාගෙන සුපිරි ඕවරයෙන් ජයග්රහණය කළ කණ්ඩායමේ පිතිකරණය දැයි සිතන තරමට පිතිකරණය සිල්ලරය.
කුසල් ජනිත් පෙරේරා සහ ධනංජය ද සිල්වා හැර පිතිකරණය සම්බන්ධව සැලකිය යුතු දෙයක් කියන්නට නැත. කුසල් පන්දු 32ක දී හතරේ පහර 2ක් සහ එක් හයේ පහරක් සමගින් ලකුණු 35ක් ලැබුවේය. ධනංජය ද සිල්වා ලකුණු 37ක් ලැබුවේ පන්දු 26ක දී ය. ඔහු හයේ පහර 2ක් සහ හතරේ පහර 03ක් එල්ල කළේය.
චරිත් අසලංක හයේ පහර 2ක් සමගින් ලකුණු 24ක් ලැබුවේය.
නමුත් කුසල්ගේ සහ ධනංජයගේ හැර වගකීම් සහගත පිතිකරණයක් කිසිම පිතිකරුවෙක් පෙන්නුවේ නැත. දසුන් ශානක යළිත් ෆේල්ය. පිත්තේ අග වැදී කනාපිට ගිය හතරේ පහරක් සමග ඔහු ලබා ගත්තේ ලකුණු 07කි.
කුසල් මෙන්ඩිස් හයේ පහරක් සහ හතරේ පහරක් සමග ලකුණු 10ක් ලැබීය.
අනෙක් කිසිම ක්රීඩකයෙක් ලකුණු 10 සීමාව ඉක්මවූයේ නැත.
පන්දු ඕවර 20ක් ක්රීඩා කිරීමට නොහැකි වූ ශ්රී ලංකා කණ්ඩායම ලකුණු 142ක පෙනෙන ආකාරයෙන් පහසු ඉලක්කයක් නවසීලන්තයට ලබා දී තිබේ.
පන්දු යැවීමේ දී විශිෂ්ට පන්දු යැවීමක නිරත වූ ඇඩම් මිල්නෙ පන්දු ඕවර 4 තුළ ලකුණු 26කට කඩුළු 05ක් ලැබුවේය.
බෙන් ලිස්ටර් කඩුලු 02ක්, හෙන්රි ෂිප්ලේ, රචින් රවීන්ද්ර, ජේම්ස් නීෂම් කඩුල්ල බැගින් ලැබූහ.
නවසීලන්ත ඉනිම ඇරඹීමට සූදානම්ය.
