සිරන්ජනි කුමාරි –
ජනශක්ති සමූහ ව්යාපාරයේ අධ්යක්ෂ දිනේශ් ෂාෆ්ටර් සම්බන්ධයෙන් තමන් නොකියූ කරුණු විශේඥ මනෝ වෛද්ය නීල් ප්රනාන්දු විසින් අධිකරණයට දැනුම් දී ඇතැයි ෂාෆ්ටර් ගේ බිරිය දිවුරුම් ප්රකාශයක් මඟින් ඊයේ (04) අධිකරණයට කරුණු දැන්විය.
නඩුව ඊයේ (04) යළි කැදවු අවස්ථාවේදී මරණකරුගේ අයිතිවාසිකම් වෙනුවෙන් පෙනී සිටි ජනාධිපති නීතිඥ අනූජ ප්රේමරත්න විසින් මේ බව දැනුම් දෙමින් දිවුරුම් ප්රකාශයක් මගින් අධිකරණය වෙත ඉදිරිපත් කෙළ්ය.
ජනශක්ති සමූහ ව්යාපාරයේ අධ්යක්ෂක දිනේශ් ෂාෆ්ටර් ගේ දෙඅත් බැඳ තිබූ සිප් ටයි පටියේ දත් පහරවල් ඇති බවට මරණය සම්බන්ධයෙන් අපරාධ පරීක්ෂණ දෙපාර්තමේන්තුව අධිකරණයට කරුණු දක්වා සිටිය ද එකී සිප් පටියේ කපා දමන විට ඇති වූ කඩතොළු සහිත කැලැල් තිබූ බවට රජයේ රස පරීක්ෂකවරයා විසින් සිය වාර්තාවේ සඳහන් කර ඇතැයි මරණකරුගේ අයිතිවාසිකම් වෙනුවෙන් පෙනී සිටි ජනාධිපති නීතිඥ අනූජ ප්රේමරත්න වැඩිදුරටත් සඳහන් කරමින් එකී වාර්තාව කොළඹ අතිරේක මහේස්ත්රාත් රජින්ද්ර ජයසූරිය වෙත ඉදිරිපත් කළේය.
අදාළ සිද්ධිය විශේෂඥ වෛද්ය මණ්ඩලයට යොමු කිරීමෙන් අනතුරුව මෙම රස පරීක්ෂක වාර්තාව ලැබී ඇති බව සඳහන් කළ නීතිඥවරයා අදාළ වාර්තාව ද මෙම වෛද්ය මණ්ඩලය වෙත යොමු කරන ලෙසට අධිකරණයෙන් ඉල්ලා සිටියේය.
වෛද්ය මණ්ඩලය වෙත පැවරීමෙන් අනතුරුව දිනේශ් ෂාෆ්ටර් ගේ මරණයට අදාළව අධිකරණය වෙත ලැබුණු ඩී. එන්. ඒ. වාර්තා, පශ්චාත් මරණ පරීක්ෂණ වාර්තා, සොකෝ නිලධාරි ඡායාරූප, ඇඳ හිස් පත් වාර්තා, මානසික වෛද්ය වාර්තා ඇතුළු අධිකරණය භාරයේ තිබෙන සියලු ලේඛන රේජිස්ට්රාර්වරයා හරහා මෙම කමිටුව වෙත භාර දීමට මහේස්ත්රාත්වරිය නියෝග කළාය.
කමිටුව විසින් සති අටක කාලයක් විමර්ශනය සඳහා ඉල්ලා ඇති අතර, අපරාධ පරීක්ෂණ දෙපාර්තමේන්තුව විසින් ගොනු කරන ලද වැඩිදුර වාර්තාව ද එම කමිටුව වෙත ඉදිරිපත් කිරීමට මෙහිදී මහේස්ත්රාත්වරිය නියෝග කළාය.
මෙම කමිටුවේ සභාපතිත්වය ප්රධාන වෝහාරික විශේෂඥ වෛද්ය නිලධාරි අසේල මෙන්ඩිස් නම් කළ මහේස්ත්රාත්වරිය දැනට ලේඛනගත පශ්චාත් මරණ පරීක්ෂණ වාර්තාව, ජාතික රෝහලේ ඇඳ හිස පත් වාර්තා අනුව තීරණය කුමක්ද? මරණයට හේතුව කුමක් ද? යන්නට පිළිතුරු ලබා දෙන ලෙසට කමිටුව වෙත නියෝග කර ඇත.
දැනට ලේඛනගත පශ්චාත් මරණ පරීක්ෂණ වාර්තාව සහ ජාතික රෝහලේ ඇඳ හිස පත් වාර්තා අනුව මරණය තීරණය කළ නොහැකි නම් ඊට අදාළව නිගමනය කරන ක්රමවේදය නම් කරන ලෙසට ද නියෝග නිකුත් කර තිබිණ.
වෙනත් මත දරන්නේ නම් පශ්චාත් මරණ වාර්තාව, රජයේ රස පරීක්ෂක වාර්තා, ජාතික රොහල් අධ්යක්ෂකගේ ඇඳ හිස පත් වාර්තා, අධිකරණ වෛද්ය නිලධාරි කාර්යාලයේ වාර්තා, පශ්චාත් මරණ පරීක්ෂණයට පෙර සහ අතරතුර සියලු ඡායාරූප, සොකෝ ඡායාරූප, ඒවා නිකුත් කරන ලද නිලධාරීන් කමිටුවට කැඳවීමට බලය පවරන බවත් අවශ්ය පැහැදිලි කිරිම් සහ උපදෙස් ලබා ගැනීමට නියෝග අධිකරණය හරහා අවශ්ය නම් ඒ සඳහා ද අවසර ලබා දෙන බවට මහේස්ත්රාත්වරිය සඳහන් කර ඇත.
දිනමිණ –
