ශ්රී ලංකා පකිස්ථාන පළමු ටෙස්ට් තරගයේ දෙවැනි දිනය නිමා වී තිබේ.
ඊයේ තරගය නිමා කරන විට කඩළු 06ක් දැවී ලකුණු 242ක් රැස් කරගෙ සිටි ශ්රී ලංකා කණ්ඩායම අද දිවා ආහාරය වනවිට ලකුණු 312කට සියලු දෙනාම දැවී ගියහ.
ඊයේ නොදැවී ලකුණු 96ක් ලබා සිටි ධනංජය ද සිල්වා ලකුණු 122ක් ලබා ගත්තේය. ඊට හතරේ පහර 12ක් හා හයේ පහර 03ක් ඇතුළත් විය.
ශ්රී ලංකා කණ්ඩායමේ හොඳම සම්බන්ධතාවය ගොඩනැගුනේ 5 වැනි කඩුල්ල වෙනුවෙනි.
ඈන්ජලෝ මැතිව්ස් සමග ධනංජය ද සිල්වා ලකුණු 131ක සම්බන්ධතාවයක් ගොඩ නගා ලකුණු 54කට කඩුළු 04ක් දැවී ගොස් සිටි ශ්රී ලංකා කණ්ඩායම ඔසවා තැබුවේය.
අනතුරුව ධනංජය ද සිල්වා සමග මනරම් සමබන්ධතාවයක් ගොඩනගමින් සිටි සධීර සමරවික්රම කඩුල්ල අසල සිට කළ අතිශය විශිෂ්ට පන්දු රැකීමක් හමුවේ දැවී ගියේය. ඔහු දැවී යන විට හතරේ පහර 05ක් සමගින් ලකුණු 36ක් රැස් කරගෙන තිබිණි.
විශ්ව ප්රනාන්දු නොදැවී ලකුණු 21ක් ලැබුවේය.
පන්දු යැවීමේ දී පකිස්ථානය වෙනුවෙන් ෂහීන් ෂා ඇෆ්රිඩි ලකුණු 86ට කඩුළු 03ක්, නසීම් ෂා ලකුණු 90ට කඩුළු 03ක්, අබ්රා අහමඩ් ලකුණු 68ට කඩුළු 03ක්, අඝා සල්මන් ලකුණු 18ට කඩුල්ලක් ලැබීය.
තරගයේ දෙවැනි දිනයේ දිවා ආහාරයෙන් පසු පිටියට පැමිණි පකිස්ථාන කණ්ඩායම කඩුළු 05ක් දැවී ලකුණු 221ක් ලබාගෙනය.
ප්රභාත් ජයසූරිය ක්රියාත්මක වී බිඳ දමමින් සිටි පකිස්ථාන ඉනිම පුනරුත්ථාපනය කිරීමේ වගකීම සවුඩ් ශකීල් සහ ආඝා සලමාන් විසින් කරට ගෙන ඇත. ශකීල් හතරේ පහර 06ක් සමග නොදැවී ලකුණු 69කි. අගා සල්මාන් හතරේ පහර 06ක් සමග නොදැවී ලකුණු 61 කි.
ඔවුන් මෙම පිතිකරණ වික්රමය කරන්නේ පකිස්ථානයේ කඩුළු 05ක් ලකුණු 101කට දැවි ගොස් ඇති අවස්ථාවකය. 6 වැනි කඩුල්ල වෙනුවෙන් ශකීල් සහ අඝා ලකුණු 120ක සම්බන්ධතාවයක් මේ වනවිට ගොඩ නගා ඇත.
පන්දු යැවීමේ දී මෙතෙක් වික්රමාන්විත පන්දු යවන්නා ප්රභාත් ජයසූරියය. ඔහු ලකුනු 83කට කඩුළු 03ක් දවා ගෙන ඇත. කසුන් රාජිත ලකුණු 33කට කඩුල්ලක්, රමේෂ් මෙන්ඩිස් ලකුණු 83කට කඩුල්ලක් දවාගෙන ඇත.
කඩුලු 05ක් ඇතැතිව පකිස්ථාන පිල ලකුණු 91ක් පිටුපසිනි.
