වැස්සෙන් බාධා වූ බව සැබෑය. හැබැයි අද (23) පල්ලෙකැලේ දී දැක්කේ ලස්සන තරගයකි. බටහිර ඉන්දීය කොදෙව්වෝ ලෝක වාර්තාවක් තැබූහ. එහෙත් ඔවුන් කඩුළු 05කින් මැච් එක පරාදය.
කාසියේ වාසිය දිනුවේ ශ්රී ලංකා කණ්ඩායමය. වර්ෂාව නිසා තරගයට පන්දු ඕවර 06ක් අහිමිව තිබිණි. ක්රීඩා කළේ ඕවර 44ක තරගයකි. ශ්රී ලංකා කණ්ඩායම පන්දු යැවීම තේරූහ.
දකින්නේ ශ්රී ලංකා කණ්ඩායමේ සුපිරි පන්දු යැවීමය. බටහිර ඉන්දීය කොදෙව් මුල් පෙළ ඒ තරම් අසරණවන අවස්ථාවක් මෑතක දී පෙනුනේ නැත. මහීෂ් තීක්ෂණ පන්දු ඕවර 09ක් යවා ලකුණු 25කට කඩුළු 03කි. අසිත ප්රනාන්දු පන්දු ඕවර 07ක් යවා ලකුණු 35ට කඩුළු 03කි. වනිඳු හසරංග පන්දු ඕවර 08ක් තුළ ලකුණු 40කට කඩුළු 04කි.
අද තරගයේ විශ්මයක් දුටුවෙමු. බටහිර ඉන්දීය කොදෙව්වෝ අන්ත අසරණ වී සිටියහ. මුල් පෙළ කඩුළු 08ක් ලකුණු 58කට දැවී ගොස්ය. ලකුණු 70ක ඉලක්කයක් පෙනුනේ නැත. පිතිකරණය ඒ තරම් ගර්හිතය. බ්රෙන්ඩන් කින් හැරෙන්න අනෙක් එකම ක්රීඩකයෙක්වත් ලකුණු 10 ඉක්මවා ගොස් සිටියේ නැත. 8වන කඩුල්ල වෙනුවෙන් ලෝකවර්තාවකින් කෙළවරවන විශ්මිත සම්බන්ධතාවයක් ගොඩ නැගෙන්නේ ඒ බිහිසුණු තත්ත්වයේ බටහිර ඉන්දීය කොදෙව්වන් සිටියදී ය.
එක්දින ජත්යාන්තර තරගයක 9වන කඩුල්ල වෙනුවෙන් මෙතෙක් වාර්තා වුන වැඩිම සම්බන්ධතාවය ගුඩාකේෂ් මෝටි සහ ෂෙෆාන් රදර්ෆඩ් අතර ගොඩනැගුණි.
ඒ සම්බන්ධතාවය ලකුණු 119 කි. ෂෙෆාන් රදර්ෆර්ඩ් ලකුණු 80ක් ලැබීය. ඒ පන්දු 82ක දීය. ඒ වික්රමාන්විත පිතිකරණය ක්රිකට් ආශ්චර්යයක් බව ලියා තැබිය යුතුය.
ඔහුට එක්වන අංක 09 ක්රීඩක බටහිර ඉන්දීය කොදෙව් පිලේ බිහිසුණු දඟ පන්දු යවන්නා ගුඩේකාෂ් මෝටි නොදැවී විශිෂ්ට අර්ධ ශතකයක් ලබන්නේය. ඔහු පන්දු 61ක් තුළ හතරේ පහර 06ක් සමගින් රැස්කළ ඒ ලකුණු ප්රමාණය ශතාකාධික වටිනාකමකින් යුක්ත වූයේය. මේ සම්බන්ධතාවය බටහිර ඉන්දීය කොදෙව් කණ්ඩායමට ලකුණු 189ක විලිලජ්ජාවක් නැති ඉලක්කයක් ලබා දිය හැකි තැනට රැගෙන ආවේය.
09 වන කඩුල්ල වෙනුවෙන් ගොඩනැගෙන ලෝක වාර්තාවට මින් පෙර හිමිකම් කීවේත් බටහිර ඉන්දිය කොදෙව් කණ්ඩායමය. යනික් ක්රයර් සහ අල්සාරි ජෝෂප් අතර ගොඩනැගී තිබුණු එම සම්බන්ධතාවය ලකුණු 85කි.
ශ්රී ලංකාවට ලකුණු 190ක ජයග්රාහී ඉලක්කයක් ලැබුණේය.
ආරම්භයේ දි නම් ඒ ඉලක්කය ඒ තරම් පහසු එකක් නොවන බව බටහිර ඉන්දීය කොදෙව්වෝ පෙන්වා දුන්ය. මුල් කඩුලු 02කම ලකුණු 25කට දැවී ගියේය. අදත් සාර්ථක නොවුන අවිශ්ක ප්රනාන්දු ලකුනු 09කට දැවී ගියේය. කුසල් මෙන්ඩිස් ද අද අසාර්ථකය. අද තරගයේ තරු ක්රීඩකයා වුන ගුඩාකේෂ් මෝටි ගේ පන්දුවක් කෙලින්ම කඩුල්ලේ දැවටීමෙන් කුසල් මෙන්ඩිස් ලකුණු 03කට දැවී ගියේය.
එහෙත් නිශාන් මධුෂ්ක අදත් සාර්ථ ඉනිමක් දියත් කළේය. ඔහු පන්දු 44ක දී ලකුණු 38කි. සධීර සමරවික්රම සුපුරුදු විශාවසනීය රිද්මයෙන් නොවුනත් පන්දු 50ක දී ලකුණු 38ක් ලැබුවේය
අද තරගයේ ශ්රී ලංකා පිතිකරණ රිද්මය කණ්ඩායමක් ලෙස ඒකතානමයකින් පවත්වා ගැනීමට පදනම් දැමූ පිතිකරුවා නායක චරිත් අසලංකය. චරිත පන්දු 61ක් තුළ ලකුණු 62ක් ලබන්නේ හතරේ පහර 07ක් සහ එක් හයේ පහරක් සමිනි. ජනිත් ලියනගේ ඔහු හා එක් වී ලකුණු 50 ඉක්මවූ සම්බන්ධතාවයක් ගොඩනැගුවේය. ජනිත් ලියනගේ දුවද්දී දැවී යෑමට හසු නොවන්නට මේ තරගය නිමා වන්නේ කඩුළු 04ක් පමණක් දැවෙමිනි. ඔහු එපමණ කදිමට ක්රීඩා කළේය. එහෙත් ජනිත් ලකුණු 24කට දැවී ගියේය.
අවසානයේ අසලංක සමග එක් වුන කමිඳු පන්දු 34ක් ඉතිරිව තිබිය දී තරගය නිමා කළේය. දැන් තරගාවලියේ ශූරතාවය අපටය. තරගාවලිය තරගයක් ඉතිරිව තිබිය දී ජයගෙන ඇත.
පන්දු යැවීමේ දී යළිත් මෝටිගේ විශිෂ්ඨත්වය මතු වන්නේය . ඔහු පන්දු ඕවර 08ක් යවමින් ලබා දෙන්නේ ලකුණු 18කි. එක් කඩුල්ලක් ලබා ගත්තේය. නිලකුණු පන්දු ඕවර 02ක් ඔහු යැවූ පන්දු ඕවර 09 තුළය
අල්සාරි ජෝෂප් කඩුළු 02කි. රොස්ටන් චේස් එකකඩුල්ලකි. තරගයේ තරු ක්රිඩකයා මෝටි ය. එය දෙකක් නැත. එහෙත් මේ තරගය ජයග්රහණයට මෙහෙයවූ තරගයේ වීරයා මහීෂ් තීක්ෂණය.
දැන් අපට ජයග්රහණ ලැබෙමින් ඇත්තේය. නිරන්තර ජයග්රහණ ඒ සංස්කෘතිය නිර්මාණය කරන්නේය. නිර්මාණයවන නව සංස්කෘතිය රටට ආදේශ කිරීම සඳහා ක්රිකට්වලින් පටන් ගත හැකිය.
