ශ්රී ලංකා පොඩි උන් දැවැන්ත ජයග්රහණයකය. ඇෆ්ගනිස්ථානA සහ ශ්රී ලංකා A කණ්ඩායම් අතර අබුඩාබිහි දී පැවති එකම නිල නොවන සිවු දින ටෙස්ට් තරගය ලකුණු 308කින් ජයගන්නට ශ්රි ලංකා පොඩ්ඩන් සමත් වී සිටිති.
එය බලාපොරොත්තු සහගත අනාගතයක් පිළිබඳ ප්රකාශ වුන තරකයකි. පළපුරුදු සධීර සමරවික්රමට වඩා පිතිකරණයේ ප්රභාමත් වූයේ තරුණ ක්රීඩකයින්ය. ලහිරු උදාර, සොනාල් දිනූෂ මුල් ඉනිමේ ශතක ලැබූහ. දෙවැනි ඉනිමේ සධීර ලකුණු 15කට දැවී යද්දී නුවනිඳු ප්රනාන්දු, නායක පසන් සූරියආරච්චි, මෙන්පවන් රත්නායක ශතක රැස් කළහ. පසිඳු සහ පසන් ශතක රැස් කරන්නේ නොදැවීය.
පන්දු යැවීමේදීත් එසේය. පළමු ඉනිමේ ඩිල්ෂාන් මධුශංකට කඩුළු නැත. දකුණතින් මද වේග පන්දු යවන ඉසිත විජේසුන්දර කඩුළු 06කි. දකුණතින් ඔෆ් බ්රේක් සහ වමතින් ඕතොඩොක් පන්දු යවන විරල තරුණ පන්දු යවන්නා වූ තරිඳු රත්නායක කඩුළු 03කි. දෙවැනි ඉනිමේ දී ඩිල්ෂාන් මධුශංක කඩුලු 2කි. ඉසිත විජේසුන්දර කඩුළු 4කි. වනුජ සහන් සහ තරිඳු රත්නායක කඩුළු දෙක බැගිනි.
තරගය අබුඩාබිහි දී පැවැත්වෙන්නේ ඇෆ්ගනිස්ථානයේ සත්කාරකත්වයෙනි. කිසියේ වාසිය ශ්රි ලංකාවටය. ශ්රී ලංකා කණ්ඩායම පන්දුවට පහර දීම තේරූහ.
ශ්රී ලංකා ‘A’ කණ්ඩායම පළමු ඉනිමට ලකුණු 406/10ක් රැස් කළේය. එහිදී ළහිරු උදාර (107), සොනාල් දිනුෂ (104) ශතක රැස්කළහ.
පිළිතුරු ඉනිම ක්රීඩාකළ ඇෆ්ගනිස්තාන ‘A’ කණ්ඩායමට පළමු ඉනිම වෙනුවෙන් රැස්කළ හැකිවූයේ ලකුණු 168ක් පමණි.
ලකුණු 238ක් ඉදිරියෙන් සිටිමින් යළි දෙවන ඉනිම ඇරඹූ ශ්රී ලංකාව එවර ලකුණු 376/4ක් රැස්කර ඉනිම අත්හිටුවීය.
එහිදී නුවනිදු ප්රනාන්දු (102), නායක පසිඳු සූරියබණ්ඩාර (100) හා පවන් රත්නායක (නොදැවී 100) ශතක රැස්කිරීමට සමත් වූහ. ඒ අනුව ඇෆ්ගනිස්තාන කණ්ඩායමට ජයග්රහණය සඳහා ලකුණු 615ක දැවැන්ත ඉලක්කයක් හිමිවිය.
පිළිතුරු ලෙස ඇෆ්ගනිස්ථානය රැස්කළේ ලකුණු 306ක් පමණි. තරගයේ වීරයා ලෙස ඉනිම් දෙකෙහිම කඩුලු 10ක් (6/35, 4/75) දවාගත් ඉසිත විජේසුන්දරය. අනාගතය ගැන බලාපොරොත්තු උපදවන තරග රටක් ලෙස අප තුළ බලාපොරොත්තු දල්වන්නේය. මේ ගමන නියමය.
චමරි එක දිගට ෆේල් වෙද්දී කෙල්ලෝ වගකීම සිය කරට ගෙන තරග දිනවති. ජාත්යාන්තර අත්දැකීම් සහිත ශ්රී ලංකා ක්රීඩකයින් ෆේල් වෙද්දී A කණ්ඩායමේ තරුණයෝ ශතක රැස් කරමින් රට ඔසවා තබති. විශ්මය දනවමින් කඩුළු බිඳ දමති. මේ ප්රවේශය දෙස අප බලා සිටින්නේ දෑස් දල්වාගෙනය.
