ශ්රී ලංකාව හා දකුණු අප්රිකාව අතර පැවැත්වෙන එක්දින හා විස්සයි විස්ස තරගාවලිය සඳහා නම් කළ 22 දෙනෙකුගෙන් සමන්විත සංචිතයට අශේන් බණ්ඩාර ඇතුළත් කොට නැත.
ප්රමෝද්ය වික්රමසිංහගේ සභාපතිත්වයෙන් යුත් රොමේෂ් කළුවිතාරණ හා හේමන්ත වික්රමරත්නගෙන් සමන්විත තේරීම් කමිටුව විසින් මෙම තරුණ ක්රීඩකයා කපා හැරීම බොහෝ දෙනාගේ විමතියට හේතු වී ඇත.
අශේන් බණ්ඩාර පසුගියදා පල්ලෙකැලේ පැවැති විස්සයි විස්ස තරගාවලියේදී තරග දෙකකම තරගයේ වීරයාද වෙමින් දස්කම් දැක්වූ අතර තේරීම් සිදු කරන්නට පෙර දිනයේ පැවැති පුහුණු තරගයේදීද එක් ඉනිමක වැඩිම ලකුණු ලාභියා විය.
එළඹෙන විස්සයි විස්ස ලෝක කුසලාන තරගාවලියටද යන්නේ මෙම කණ්ඩායම බැවින් අද ශ්රී ලංකා පිලේ හොඳම පන්දු රකින්නාද වන අශේන් බණ්ඩාරට අවස්ථාව අහිමි කිරීම ප්රමෝද්ය වික්රමසිංහගේ පුද්ගලික න්යාපත්රයකට අනුව සිදු වන බවක් වාර්තාවේ.
ක්රීඩා අමාත්ය නාමල් රාජපක්ෂ මහතාද ඇස් කන් වසා ගෙන මෙම තේරීම් වලට අත්සන තබන්නේදැයි ගැටළුවක් පවතී.
