-
ක්රිකට් පිටිය ඔට්ටු පිටියක් කර ක්රීඩකයින් රෙස් අස්සයින් කරන අපට නොපෙනෙන ලොකුම සූදු කරුවා අයි.සී.සී ය ද?. බුකි කාරයන්ගේ සල්ලිවලින් ක්රිකට් ගහන ගමන් ක්රීඩකයන් පසුපස පන්නන අයි.සී.සී. එකත් හෙළුවෙන්…
ක්රිකට් හඳුන්වන්නේ මහත්වරුන්ගේ ක්රීඩාවක් ලෙසය. ඒ ඉස්සරය. දැන් ක්රිකට් සූදු කාරයන්ට යට වී හමාරය.
ක්රිකට් ගහන හැම තැනකම අනුග්රාහකයන් බවට පත්ව ඇත්තේ සූදු කරුවන්ගේ බෙටින් ඇප් ය.
මේ බෙටින් ඇප් අනුග්රාහකයන් වැඩියෙන්ම ඉන්නේ ලංකාවේ ක්රිකට් එක්කය.
ලංකා ප්රිමියර් ලීගයේ වැඩිම අනුග්රාහකයන් වන්නේ මේ කියන බෙටින් ඇප් ය.
මේ බොහෝ බෙටින් ඇප් කාරයෝ තරග වලට ඔට්ටු අල්ලන ඇප් එකට අමතරව ඒ නමින්ම නිව්ස් ඇප් එකක්ද පවත්වාගෙන යන අතර ඒ නම් දෙකින්ම අනුග්රාහකත්වද පිරිනමයි.
මෙය දැන් පැවැත්වෙන ශ්රී ලංකා – දකුණු අප්රිකා ටෙස්ට් තරගාවලියේ හොඳින්ම පෙනේ.
දකුණු අප්රිකානු පිලේ අනුග්රාහකයා ඩෙෆා බෙට් ය. ශ්රී ලංකා පිලේ අනුග්රාහකයා ඩෙෆා නිව්ස් ය.
මීට අමතරව ඩෙෆා බෙට් මෙම තරගාවලියේ නිල අනුග්රාහකයකු ලෙසද කටයුතු කරයි.
මේ බෙටින් ඇප් වල මේ තරග සඳහාම විවිධාකාරයෙන් ඔට්ටු ලබා ගැනීමද සිදු කරයි.
ඔට්ටු කාරයන්ගේ බහට තරග පාවා දෙන ක්රීඩකයන් පසුපස ලුහුබඳින අයිසීසිය හා ඔවුන්ගේ දූෂණ මර්ධන ඒකකය මේ ගැන නිහඬය. පුදුමයට කරුණ මේ නිහැඬියාවයි.
ලංකාවේ ක්රීඩා නීතිය අනුව ඔට්ටුකරුවන්ට ක්රිකට් පරිපාලනයටවත් ඒමට නොහැක. තිලංග සුමතිපාලට ක්රිකට් දොරටුව වැසී ගියේ හරින් ප්රනාන්දු පාර්ලිමේන්තුවට ගෙනා මේ නීතිය නිසාය.
ඒ අනුව තිලංග එළියේය. ඒත් ඔට්ටු කාරයන්ගේ ඇප් අපේ ක්රිකට් වල නැති තැනක් නොමැති තරම් ය.
අපේ රටේ නීතිය අනුව රට තුළ නීත්යානුකූලව ඔට්ටු ඇල්ලීමට අවසර හා බලපත්ර ලබා දී ඇත්තේ පිටරට දුවන අශ්වයන්ටය.
ඔවුන් දැන් ක්රිකට් වලටද ඔට්ටු අල්ලන්නට පටන් ගෙන තිබේ.
ඒ මදිවාට ක්රිකට් තරග ප්රචාරණයට අනුග්රාහකත්වය සැපයීමටද දැන් පටන් ගෙන තිබේ.
දුම් වැටි හා මධ්යසාර වලට අපේ රටතුළ ප්රචාරණය කිරීමට බැරි නීතියක් පවතී.
සූදුවට හා සූදුකරුවන්ටද එසේ ප්රචාරණය කළ හැකිද නොහැකිද යන්නට නීති විශාරදයන් පවා හරි පිළිතුරක් නොදෙයි.
කෙසේ වෙතත් මේ රටත් අපේ ක්රිකටුත් මෙහෙම ගියොත් බෙටින්ලන්තයක් වී බෙටින් ක්රීඩාවක් වීම වැළැක්විය නොහැක.
රට හදන්න තුනෙන් දෙකක බලයක් ලැබූ මාලිමා රජයද මේ ගැන ඇස්කන් වසාගෙන සිටියහොත් මෙය පාසල් වලටත් රිංගනු වැඩි ඈතක නොවේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
නියුට්රල් අම්පය
