ශ්රී ලංකා කණ්ඩායම ලකුණු 279කට දැවී ගොස්ය. අවුරුදු 146 ක්රිකට් ඉතිහාසයේ නින්දා සහගතම දවා ගැනීම ලෙස ඈන්ජලෝ මැතිව්ස් දවා ගත් මහත්මා ගති හීන බංගලාදේශ කණඩායමට පරාජය නොවී නම්බුකාර පිළිතුරක් ලබා දීමේ වගකීම ශ්රී ලංකා කණ්ඩායම සතුව ඇත.
නැවත වරක් තරග කළ යුතුවන්නේ මෙවැනි හීන කණ්ඩායමකට පරාජය නොවි අභිමානය බේරා ගැනීම වෙනුවෙනි.
ආරම්භක පිතිකරු පැතුම් නිශ්ශංක ලකුණු 41ක් ලැබුවේය. යළිත් වරක් කුසල් ජනිත් හොඳටම ෆේල්ය. ඔහු පන්දු 05ක දි ලකුණු 04කට දැවි ගියේය.
නායකත්වය ලබා ගත් දින සිට අන්දකයිප්පු කෑවක් ලෙස පිටිය මැද පිස්සු කෙළින කුසල් මෙන්ඩිස් ලකුණු 19කට දැවී යන්නේ පන්දු 30කට ආයාසයෙන් මුහුණ දිමෙනි.
සධීර සමරවික්රම ලකුණු 41කි. ධනංජය ද සිල්වා ලකුණු 34කි. මහීෂ් තීක්ෂණ ලකුණු 22කි.
තරගයේ අසහාය පිතිකරණය වාර්තා කළේ චරිත් අසලංකය. චරිත් පන්දු 105ක් තුළ ලකුණු 108ක් ලබා ගත්තේය. ඊට හතරේ පහර 6ක් සහ හයේ පහර 02ක් ඇතුළත් විය. ටන්සිම් හසන් ෂකීබ් ලකුණු 80කට කඩුළු 03ක් ලැබුවේය. ශකීබ් අල් හසන් ලකුණු 57කටත්, ෂොරිෆුල් ඉස්ලාම් ලකුණ 52කටත් කඩුළු 02ක බැගින් දවා ගත්හ.
ක්රිකට් ඉතිහාසයේ නින්දාසහගමත දවා ගැනීම
වසර 146ක ඉතිහාසයකට හිමිකම් කියන ජාත්යන්තර ක්රිකට් පිටියේ සිදුවූ මහත්වරුන්ගේ ක්රීඩාවට නොගැලපෙන නින්දාසගතම සිද්ධිය අද බංගලාදේශය සහ ශ්රී ලංකාව අතර තරගයේ දී වාර්තා වූයේය.
ඒ ක්රිකට් ඉතිහාසයේ පළමු “ටයිම් අවුට්” පිතිකරුවා ලෙස ඈන්ජලෝ මැතිව්ස් ක්රීඩා පිටියෙන් ඉවත් කිරීමට බංගලාදේශ කණ්ඩායම ක්රියා කළ පහත් ආකාරය සමිගිනි.
තරඟාවලියේ ක්රීඩා කොන්දේසි වලට අනුව, ක්රීඩකයෙකු මිනිත්තු 2 ක් ඇතුළත ඔහුගේ ඉනිම ආරම්භ කළ යුතුය. එහෙත් පන්දුවට පහර දීමට පැමිණි ඈන්ජලෝ මැතිව්ස් තණ තීරුව අසල දී චරිත් අසලංක සමග රැඳෙන්නේ සිය හිස් වැස්මේ පිටිය කැඩී ගිය බැවින් නව හිස් වැස්මක් ක්රීඩාගාරයෙන් ගෙන්වා ගැනීමටය.
එහෙත් එකම පන්දුවකටවත් පහර නොදී ක්රීඩා පිටියේ තන තිරුව අසලට පැමිණ සිය හිස් අවාරණය වෙනස් කරගැනීමට යෑමේ දී ඔහු ඒ සම්බන්ධව විනිසුරුවන්ගෙන් අවසර නොඉල්ලන බව දකින බංගලාදේශ නායක ශකීබ් අල් හසන් විනාඩි දෙක ඉකුත් වීත්ම සමග දැවී ගිය ක්රිඩකයෙක් පෙස මැතිව්ස් නම් කරන ලෙස ඉල්ලා සිටින්නේය.
විනිසුරුවරු එම ඉල්ලීම පිළිගන්නා අතර මැතිව්ස් ශකීබ් ඇතුළු කණ්ඩායම වෙත පැමිණ සිදුවූයේ කුමක් දැයි පැහැදිලි කිරීමට උත්සාහ කළත් ඒ සම්බන්ධව ඇහුමකන් දීම ශකීබ් අල් හසන් ප්රතික්ෂේප කරන්නේය. ක්රිකට් ක්රීඩා ඉතිහාසයේ වෙලාව ඉකුත් වීමෙන් දැවී ගිය පළමු ක්රීඩකයා ලෙස මැතිව්ස් දැවී යන්නේ එකම පන්දුවකට හෝ පහර දීමකින් තොරවය.
ඇන්ජලෝ මැතිව්ස් දවා ගැනීමට සිදුකළ මෙම ඉල්ලීම මේ වනවිට ජාත්යාන්තර විචාරකයන්ගේ බරපතල විවේචනයට ලක් වෙිමන් තිබේ.
පාකිස්තානයේ හිටපු සුපිරි වේග පන්දු යවන්නෙක් වූ වකාර් යුනිස් ප්රකාශ කළේ එය ක්රිකට් ක්රීඩාවේ අධ්යාත්මික හරයට කළ ව්යසනයක් බවය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
“ඉතින් විකාශනය සම්පූර්ණ සිද්ධිය පැහැදිලිව පෙන්නුවා… අවශ්යයෙන්ම මැතිව්ස් පන්දුවට පහර දීමට ක්රීඩා පිටියට පැමිණියා. ඔහුගේ පටිය කැඩී ගිය හෙල්මට් එක සඳහා නව හිස්වැස්මක් ඉල්ලා සිටි අතරතුර, ෂකීබ් ශකීබ් මේ දැවී යෑමට අදාල ඉල්ලීම කරන්නේ. එය ප්රත්යක්ෂ ලෙස පෙනෙන කිසිම අධ්යාත්මික ශිකෂණයක් නැති කණ්ඩායමකින් සිදුවූ දරුණු දුර්වල ක්රියාවක්. අද ක්රිකට් ක්රීඩකයෙකු තම හිස ආරක්ෂා කර ගැනීමට උත්සාහ කිරීම සම්බන්ධයෙන් දඬුවම් කිරීමට උත්සාහ කිරීම ඉතා සුළු දෙයක් පමණක් නොවේ, එය ඇත්තෙන්ම භයානක පියවරක්. ගැඹුරින් විමසා බැලිය යුතු තත්ත්වයක්” ජාත්යාන්තර ක්රීඩා විචාරකයෝ පෙන්වා දුන්හ.
