අද පැවති ශ්රීලංකා පාපන්දු සම්මේලනයේ නිලවරණයෙන් ජස්වර් උමාර් පාපන්දු සම්මේලනයේ සභාපති ලෙස තේරී පත් විය.
ලීග 67කින් ජස්වර් උමාර් ඡන්ද 45ක් ලබාගත් අතර ඔහුගේ ප්රතිවාදියා වූ දක්ෂිත සුමතිපාල ලබාගත්තේ ඡන්ද 20 ක් පමණි.
කෙසේ වෙතත් ජස්වර් උමාර් යනු ෆීෆා මගින් ලැබෙන ඩොලර් පිල්ලි ගැසූ පුද්ගලයෙක් බවට චෝදනා එල්ල වූ පුද්ගලයෙකි. එමෙන්ම ඔහු ක්රීඩා අමාත්යංශයේ ක්රීඩා දූෂණ සෙවීමේ පොලිස් ඒකකය මගින් කරන ලද පරීක්ෂණයකදී වරදකරුවෙක් කර නැවත පරිපාලනයට ඒමට නුසුදුසු පුද්ගලයෙක් බවට නිර්දේශ කළ අයෙකි.
මීට කලින් සභාපති හා ලේකම් ලෙස ජස්වර් උමාර් වසර ගණනක් පාපන්දු පරිපාලනයේ සිටියේය. ක්රීඩා සංවර්ධනය වෙනුවෙන් ෆීෆා විසින් විශාල ආධාර ප්රමාණයක් ඩොලර්වලින් ලබා ගත්තේය.
එහෙත් වන විට ෆීෆා ලෝක ශ්රේණිගත කිරීම්වල ශ්රී ලංකා පාපන්දුව සිටින්නේ රටවල් 211කින් 207 වැනි ස්ථානයේය. අපට පහලින් ඉන්නේ ලෝකයෙන්ම රටවල් හතරකි. කාන්තා කණ්ඩායම සිටින්නේ 153 වැනි ස්ථානයේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඉතින් ජස්වර් ආයෙත් ශ්රී ලංකා පාපන්දු සම්මේලනයේ සභාපති ය.
