එක අතකට අපේ කණ්ඩායම හරිම අපූරුය. ජයග්රහණය කරනවිට එම ජයග්රහණය ලබා ගන්නේ බලා ඉන්නා අප අන්ද – මන්ද කරමිනි. එසේම පරාදවන විට පරාද වෙන්නේ කුජීත අපට ක්රිකට් එපා කරවන තරමට කුජීත වෙමිනි. අද තරගයත් එසේය. ලකුණු 91කින් පරාදය.
විස්සයි 20 තරගයක් ලකුණු 91කින් පාරාද වීම හිත හදාගන්නටම බැරි කාරණාවකි. මේ පෙරේදා තරගය දිනූ කණ්ඩායමය. මේ ඔවුන්ම ද එසේත් නැතිනම් වෙනත් කණ්ඩාමක් දැයි සිතෙන තරමට ඒ ක්රීඩා විලාශය කුජීතය.
සූර්ය කුමාර් යාදේව් අපේ පන්දු යවන්නන් පාසල් ක්රීඩාවක නොදරුවන් බවට පත් කළේය. 228ක දැවැන්ත ඉලක්කයක් හඹා ගිය කණ්ඩායම ලකුණු 137කට සීමා විය. අඩුම තරමින් ඕවර 20වත් ක්රීඩා කළානම් හිත හදා ගත හැකිය. පන්දු ඕවර 16.4 ක දී සියල්ලෝ දැවී ගියහ.
ෆේල් වුන භානුක බංකුවේ තබා කැන්දාගෙන පැමිණි අවිශ්ක ප්රනාන්දු ලකුණු 01කට දැවී ගියේය. තමන්ගේ වගකීම කුමක් දැයි ඔහු දැනගෙන නොසිටියා සේය. කණ්ඩායමේ වැඩිම ලකුණු ලාභියා ලකුණු 23ක් ලබා ගත් නායක දසුන් ශානක ය. තනිකරම ඉන්දීය පන්දු යවන්නෝ ශ්රී ලංකා පිතිකරුවන් ළදරුවන් කළහ.
රාජ්කොට් හි පැවති තරගයේ කාසියේ වාසිය දිනා පළමුව පන්දුවට පහරදුන් ඉන්දීය කණ්ඩායම සිය පන්දු ඕවර 20දී කඩුලු 5ක් දැවී ලකුණු 228ක් රැස් කළේය. එය ජයග්රහණය කිරීමට අසීරු ඉලක්කයක් බව ක්රිකට් ගැන යන්තමින් දන්නා හැමෝම දන්නේය. එහෙත් තරගය බැලුවේ තරගයක් ලැබෙනු ඇතැයි අපේක්ෂාවෙනි. ඒ තරගය දීමට ශ්රී ලංකා කණ්ඩායම අපොහොසත් විය.
කාසියේ වාසිය දිනා මුලින්ම පන්දුවට පහර දුන් ඉන්දීය කණ්ඩායමේ පළමු කඩුල්ල ලෙස ඉෂාන් ක්රිෂාන් ව එක් ලකුණකට දවා ගැනීමට දිල්ෂාන් මධුශංක සමත්විය.
නමුත් අනතුරුව පිටියට පිවිසි රාහුල් ත්රිපාති පන්දු 16කදී ලකුණු 35 ක් ලබාගැනීමට සමත් වුණි.
ඔහු දැවී යාමෙන් පසුව පිටියට ආ සූර්යකුමාර් යාදව් ශ්රී ලංකා පන්දු යවන්නන්ට ක්රිකට් එපා කළේය. ඔහු පන්දු 51 තුළ නොදැවී ලකුණු 112ක් රැස් කළේය.
තරගය ජය ගැනීමට ශ්රී ලංකා කණ්ඩායම ලකුණු 229 රැස් කළ යුතු විය.
ඒ ඉලක්කය හඹා යෑමට පැමිණි ශ්රී ලංකා කණ්ඩායම පන්දු ඕවර 16.4 කදී සියලු දෙනා ලකුනු 137ක් පමණක් ලබා ගත්තේය.
තරගාවලිය 2-1 ලෙස ඉන්දියා දිනුම්ය.
අද පන්දු යැවීමේ දී ශ්රී ලංකා පිතිකරුවන් අසරණ කළ පන්දු යවන්නා අර්ෂ්දීප් සිං ය. ඔහු යැව්වේ පන්දු ඕවර 2.4කි. කඩුලු 03ක් ලබා ගත්තේය. ලබා දුන්නේ ලකුණු 20කි.
හර්දික් පාණ්ඩ්යා ලකුණු 30කට කඩුලු 02ක්, අක්සාර් පටෙල් පන්දු ඕවර 03ක දී ලකුණු 19ට කඩුල්ලක්, උම්රාන් මලික් පන්දු ඕවර 03ක දී ලකුණු 31ට කඩුලු 02ක්, යුෂ්වේන්ද්ර චහාල් ලකුණු 30ට කඩුළු 02ක්, ලැබුවේය.
