දිවයිනේ ජනකාන්ත රංග ශීල්පී ශිල්පිනියන් පිරිවරා කැලීන් පොපියුලර් අවෝඩ් 2025 සම්මාන සඳහා නිර්දේශීත නාම ප්රකාශයට පත්කිරීම කොළඹ වොටර්ස් එජ් හෝටලයේදී පසුගියදා සිදුවිය.
ඊට අදාල CALIN POPULAR AWARD 2025 සම්මාන පිරිනැමීමේ රාත්රිය 2025 සැප්තැම්බර් 10 වනදා කොළඹ මොනාච් ඉම්පිරියල් හෝටලයෙදී පැවැත්වේ.
මීට වසර තුනකට පෙර Star Entertainment 2025 හඳුන්වා දුන් ගීතාන්ජන කොස්තා මහතාගේ සංකල්පයක් මත පැවැත්වෙනCALIN POPULAR AWARD 2025 සම්මාන උළෙල මෙවර පැවැත්වෙන්නේ නොකඩවා තෙවන වරටය.
මෙවර උළෙලේදී ටෙලි නාට්යය, සිනමා, රූපවාහිනි, ගුවන්විදුලි, ජන මාධ්යය, සමාජ මාධ්යය, ව්යාපාර, සංගීත අංශයන්හි ජනප්රියත්වට පත් නිර්මාණ සහ පුද්ගල දක්ෂතා ඇගයීමට පාත්ර වන්නේ මහජන කැමැත්තෙන් තෝරාගන්නා ජනප්රිය සම්මාන 24 සඳහාය.
පෙර සඳහන් කේෂත්රයන්ට අදාල විශිෂ්ටත්වයට පත්වූන් මෙවර නිර්දේශීත නාම සඳහා තෝරාගෙන ඇත්තේ සිය දෙනෙකුගෙන් යුතු සමීක්ෂණ මණ්ඩයකින් වන අතර එහිදි ඉකුත් වසරේ(2024) ජූනි 01 දා සිට 2025 ජූලි 01 දක්වා කාල සීමාවට අදාලව ස්වකීය කේෂත්රයන්හි ජනප්රියත්වයට පත්වූ චරිත නිර්දේශ කර තිබේ. ඉන් පසු ජූලි 01 දා සිට ආරම්භ වූ එස්. එම් .එස්. මනාප පලකිරීම 2025 සැප්තැම්බර් 07 දා අවසන් වීමෙන් පසු සම්මාන ලාභින් තෝරා ගැනීමට නියමිතය.
සම්මාන සඳහා නිර්දේශීත නාම සඳහා මොබිටෙල් අංක 2244 සහ ඩයලොග් අංක 5680 මහජන මනාප ලබා දිම සිදුකිරීම සී. ඩී.කේ. ආයතනයේ විගණනයට ලක්විමට සලස්වා ඇත.
කැලීන් පොපියුලර් අවෝඩ් සම්මාන විධියක කමිටුවේ ලේකම් ධූරය සම්මාන ලාභී ලෙි නාට්ය අධ්යක්ෂක සුනිල් කොස්තා මහතා හොබවන අතර මෙවර සම්මාන උළෙලේ ප්රධාන අනුග්රහකත්වය කැලීන් සබන් සන්නාමය උසුලන අතර සිංහ සමාජය සහ ලියෝ සමාජය ඊට ශක්තියක් වී තිබේ.
