දිනසේන රතුගමගේ –
යාපනය නාවක්කුලි ප්රදේශයේ විහාරස්ථානයකදී තරුණියකට ලිංගික අතවර කිරීමේ සිද්ධියක් සම්බන්ධයෙන් අත්අඩංගුවට ගත් චීවරධාරියෙක් අප්රේල් මස 2 වනදා දක්වා රිමාන්ඩ් බන්ධනාගාරගත කිරීමට චාවකච්චේරි මහේස්ත්රාත්වරයා නියෝග කර තිබේ.
සිද්ධියට අදාළව නාවක්කුලි විහාරස්ථානයේ චීවරධාරියෙක් ඊයේ ( 29 ) දිනයේ දී මෙලෙස රිමාන්ඩ් කරනු ලැබුවේ චාවකච්චේරි පොලීසිය මගින් අධිකරණයට ඉදිරිපත් කිරීමෙන් අනතුරුවය.
අදාළ තරුණිය විහාරස්ථානයේ පිහිටි ජල පෙරහනකින් නොමිලේ පානීය ජලය ලබා ගැනීමට ගිය අවස්ථාවේදී මෙම ලිංගික අතවරයට මුහුණ දී ඇති බව වාර්තා වේ.
තරුණිය මේ පිළිබඳව සිය මව දැනුවත් කිරීමෙන් පසු, මව සහ දියණිය එක්ව චාවකච්චේරි පොලීසියට සිදුකළ පැමිණිල්ලකට අනුව සැකකාර චීවරධාරියා අත්අඩංගුවට ගෙන ඇත.
සැකකරුගෙන් ප්රශ්න කිරීමෙන් අනතුරුව අධිකරණයට ඉදිරිපත් කළ අවස්ථාවේදී, වින්දිත තරුණිය අධිකරණ වෛද්ය නිලධාරීවරයා වෙත යොමු කර වෛද්ය වාර්තාවක් ලබා ගන්නා ලෙසත්, එම වාර්තාව අප්රේල් මස 2 වනදා අධිකරණයට ඉදිරිපත් කරන ලෙසත් මහේස්ත්රාත්වරයා වැඩිදුරටත් නියෝග කළේය.
