අධිචෝදනා ගොනු වී ඇති අමාත්ය කුමාර ජයකොඩි සම්බන්ධයෙන් කිසිදු විශේෂ පියවරක් ගැනීමේ අදහසක් රජයට නොමැති බවත්, ඔහු දිගටම සිය අමාත්ය ධූරයේ කටයුතු කරනු ඇති බවත් රජයේ කැබිනට් මාධ්ය ප්රකාශක අමාත්ය නලින්ද ජයතිස්ස මහතා ප්රකාශ කළේය.
අද පැවති කැබිනට් මාධ්ය හමුවේදී මාධ්යවේදියෙකු නැඟූ ප්රශ්නයකට පිළිතුරු දෙමින් ප්රකාශකවරයා සඳහන් කළේ, අදාළ අමාත්යවරයාට එරෙහිව නඩු පවරා ඇත්තේ ද වත්මන් රජය විසින්ම බවයි. රජය අධිකරණ ක්රියාවලියට කිසිදු අයුරකින් බලපෑම් නොකරන බැවින්, ඔහු අමාත්ය ධූරයේ කටයුතු කිරීම ගැටලුවක් නොවන බව රජයේ ස්ථාවරය වී තිබේ.
“ඔහු රජයේ නිලධාරියෙකු ලෙස කටයුතු කිරීමේදී සිදු වූ මෙම සිදුවීම සම්බන්ධයෙන් නඩු පැවරුවේ පෙර රජයෙන් නොවෙයි, අපේ රජය යටතේයි. නඩු පැවරුවේ මෙම රජයෙන් නම්, ඒ සඳහා වෙනත් ඇඟිලි ගැසීම් පවතින බවට කිසිවෙකුට චෝදනා කළ නොහැකියි,” යැයි හෙතෙම පැහැදිලි කළේය.
ඒ අනුව දැනට අමාත්යවරයාගේ ධූරය සම්බන්ධයෙන් කිසිදු තීන්දුවක් ගෙන නොමැති බවත්, ඔහු තවදුරටත් අදාළ අමාත්ය ධූරයේ කටයුතු කරන බවත් කැබිනට් මාධ්ය ප්රකාශකවරයා වැඩිදුරටත් තහවුරු කළේය.
