ජාත්යාන්තර මූල්ය අරමුදල මගින් නිදහස් කිරීමට නියමිත දෙවැනි ණය වාරිකය හිමිවීමේ ප්රමාදයක් ඇති විය හැකි බව ආර්ථික විශ්ලේෂකයෝ පවසති.
ජාත්යන්තර මූල්ය අරමුදලේ ණය වැඩසටහනේ ප්රගතිය මැනිය හැකි කැපවීම් 100 න් 38ක් ශ්රී ලංකාව අගෝස්තු මාසය අවසානය වන විට ඉටුකර ඇති බවත් කැපවීම් 8 ක් ඉටුකිරීමට අපොහොසත්ව ඇති බවත් ‘වෙරිටේ රිසර්ච්’ උපුටා දක්වමින් බීබීසී ය වාර්තා කරයි.
දෙවන ණය වාරිකය නිදහස් කරගැනීමට යන ගමනේ දී ශ්රී ලංකාවේ ඉදිරි ගමන තරමක ප්රමාදයක් පවතින බව ජාත්යන්තර මුල්ය අරමුදලට පවා පෙනී ගොස් ඇති පසුබිමක පළමු සමාලෝචනය සිදුකිරීම ප්රමාද කර ඇති බවට පෙනී යන බව වෙරිටේ රිසර්ච් ආයතනයේ විධායක අධ්යක්ෂක ආචාර්ය නිශාන් ද මැල්, බීබීසි සිංහල වෙත පවසා ඇත.
ජාත්යන්තර මූල්ය අරමුදල සමඟ ශ්රී ලංකාව ඇතිකරගත් එකඟතාවට අනුව යෝජිත නව ආර්ථික ප්රතිසංස්කරණ ක්රියාත්මක කිරීමේදී ලබා ඇති ප්රගතිය සමාලෝචනය කිරීම සඳහා මේ වනවිට ඇරඹී ඇති සාකච්ඡාවේදී අවධානය යොමු වන්නේ ලංකාවේ රජය විසින් ජුනි මාසය අවසන් වන විට සම්පුර්ණ කළ යුතුව තිබු කරුණු සම්බන්ධයෙන් බව වාර්තා වේ.
එහිදී ලංකාවේ ඉදිරි ගමන තරමක ප්රමාදයක් තිබෙන බැවින් ජාත්යන්තර මුල්ය අරමුදල විසින් එය තේරුම් ගෙන අදාළ සමාලෝචන ක්රියාවලිය ප්රමාද කර ඇති බවක් පෙනෙන්නට තිබෙන බව වෙරිටේ රිසර්ච් ආයතනයේ විධායක අධ්යක්ෂකවරයා පවසයි
ජාත්යන්තර මුල්ය අරමුදල යෝජනා කළ කොන්දේසි ඉටු කිරීමට රජය උත්සහ කළ ද ඒවා සාර්ථක කර ගැනීමට හැකියාවක් ලැබී නොමැති බවත් මේ සම්බන්ධව ඳව කරුණු දක්වමින් පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ මහාචාර්ය වසන්ත අතුකෝරල බීබීසි සිංහල වෙත පවසා ඇත.
උදාහරණයක් වශයෙන් අල්ලස් හෝ දුෂණ වංචා සම්බන්ධ පනත කෙටුම්පතක් සාදනු ලැබුවද එය ප්රායෝගිකව ක්රියාත්මක නොකරන්නේ නම් එහි කිසිදු ප්රයෝජනයක් නොමැති බව ඔහු සඳහන් කළේය.
මීළඟ ණය වාරිකය ලබා ගැනීම සඳහා රජය විසින් මෙරට දේශීය ණය සහ විදේශීය ණය ප්රතිව්යුහගතකරණය කිරීමට කටයුතු කළ යුතුව ඇති බවත්, සේවක අර්ථසාධක අරමුදල හැර දේශීය ණය ප්රතිව්යුහගතකරණ ක්රියාවලිය ඉටු කර ගැනීමට රජය අපොහොසත්ව ඇති බවත් මහාචාර්ය වසන්ත අතුකෝරල පෙන්වා දී තිබේ.
“IMF දෙවැනි ණය වාරිකය නිකුත් කරන්න පෙර දේශීය සහ විදේශීය ණය ප්රතිව්යුහගතකරණය සිදුකරන්න අවශ්යයි කියලා. නමුත් රජයට තවම හැකියාව ලැබිලා නැහැ දේශීය ණයවත් සම්පුර්ණෙ ප්රතිව්යුහගතකරණයකට යන්න.”
“උදාහරණයක් විදිහට ETF එකෙන් සිදුකළ ආයෝජන සම්බන්ධ ණය ප්රතිව්යුහගතකරණය ගැන අවසන් තීන්දුව ගත්තේ IMF සමාලෝචනය ආරම්භ කරපු දවසේ උදෑසන.”
“නමුත් මහ බැංකුව විසින් දුන් ණය ගැන තවම ප්රතිව්යුහගතකරණ ක්රියාවලිය සිදුවෙලා නැහැ. ඒ වගේම විදේශ ණය ප්රතිව්යුහගතකරණය ගැන තවම අවශ්ය සැලැස්මවත් ඉදිරිපත් කරලා නැහැ.” ඔහු පෙන්වා දෙන ලදී.
මෙය ජාත්යන්තර මුල්ය අරමුදලේ ප්රමාදයක් නොව, ප්රතිපත්ති ක්රියාත්මක කිරීමේදී රජයේ පවතින ප්රමාදයක් බැවින් දෙවන ණය වාරිකය හිමිවීමේ යම් ප්රමාදයක් යම් අයුරකින් ඇතිවිය හැකි බව ද ඔහු සඳහන් කළේය. (බීබීසී ඇසුරින්)
