ICCය විසින් නම් කළ 2023 වසරේ ලෝක කාන්තා විස්සයි 20 කණ්ඩායමේ නායිකාව ලෙස ශ්රී ලංකා කාන්තා නායිකා චමරි අතපත්තු නම් කර තිබේ.
ICC ට අනුව, ප්රවීණ ශ්රී ලංකා ක්රීඩිකාව වසර ආරම්භ කළේ කේප්ටවුන්හි පැවති ICC කාන්තා විස්සයි 20 ලෝක කුසලානයේ තරගාවලියේ දකුණු අප්රිකාව සමග පැවති තරගයේ දි පන්දු 50 කදී ලකුණු 68 ක් ලබා ගෙන ශ්රී ලංකාවට දකුණු අප්රිකාව ලකුණු 3 කින් පරාජය කිරීමේ පදනම නිර්මාණය කරමිනි.
මෙම විශාල ජයග්රහණය ශ්රී ලංකා කාන්තා ක්රීඩිකාවන්ට කැපී පෙනෙන වසරක් සඳහා තානය සැකසූ අතර අතපත්තු ඒ සියල්ලෙහි ඉදිරියෙන්ම සිටියාය.
ඇය එම වසරේ ලකුණු 470ක් ලබා ගත්තාය. ඇයගේ ප්රහාරක වේගයේ සාමාන්ය , 130.91ක් විය. වසර තුළ පැවති තරගවල දී හයේ පහර 15 ක් සමඟින්, ඇය කාන්තා විස්සයි විස්ස අන්තර්ජාතික ගතවලදී පුද්ගලික ඉහළම ලකුණු ලබා ගත්තාය.
වසරේ දෙවන භාගයේදී අතපත්තු කොළඹදී පන්දු 47කදී නොදැවී ලකුණු 80ක් වාර්තා කරමින් නවසීලන්තයට එරෙහි තරග තුනකින් සමන්විත තරගාවලියේ ජයග්රහණය ලබා ගැනීමට ශ්රී ලංකාවට උපකාර කළාය.
ඉන්පසුව ඇය එංගලන්තයේදී එංගලන්තයට එරෙහිව ශ්රී ලංකාව ජයග්රහණය කිරීමට ප්රධාන භූමිකාවක් ඉටු කළාය.
අයි.සී.සී. ලෝක කාන්තා විස්සයි 20 කණ්ඩායමේ අනෙක් ක්රීඩිකාවන් ලෙස නම් කර ඇත්තේ
බ්රෙත් මූනි (කඩුලු රකින ක්රීඩිකා ඕස්ට්රේලියාව), ලෝරා වොල්වාර්ඩ්ට් (දකුණු අප්රිකාව), හේලි මැතිව්ස් ( බටහිර ඉන්දීය කොදෙව්) නට් ස්කිවර් -බ්රන්ට් (එංගලන්තය), අමේලියා කේර් (නවසීලන්තය), එලිස් පෙරී (ඕස්ට්රේලියාව) , ආශ් ගාඩ්නර් (ඕස්ට්රේලියාව), දීප්ති ෂර්මා (ඉන්දියාව), සොෆී එක්ලෙස්ටෝන් (එංගලන්තය), සහ මේගන් ස්චට් (ඕස්ට්රේලියාව).
