හිටපු ජනාධිපතිවරයෙකුගේ පුතෙක් මුල් වී රේගු බදු වංචා කරමින් රුපියල් කෝටි ගණනක් වටිනා සුඛෝපභෝගි මෝටර් රථ මෙරටට හොර රහසේ රැගෙන ඒමෙන් සිදුකළ මහා පරිමාණ ජාවාරමක් සම්බන්ධයෙන් අපරාධ පරීක්ෂණ දෙපාර්තේන්තුව විශේෂ විමර්ශනයක් ආරම්භ කර ඇත.
මෙම ජාවාරම පසුගිය ආණ්ඩු සමයන්හිදී ක්රියාත්මක වී ඇති අතර, ඒ සම්බන්ධයෙන් ප්රශ්න කිරීම සඳහා ඉදිරි සතිය තුළ අදාළ හිටපු ජනාධිපතිවරයාගේ පුත්රයා අපරාධ පරීක්ෂණ දෙපාර්තමේන්තුව වෙත කැඳවීමට නියමිත බව පොලිස් ආරංචිමාර්ග සඳහන් කරයි.
කන්ටේනර්වල සඟවා සංවිධානාත්මක ලෙස මෙරටට රැගෙන ආ වාහන කිහිපයක් පිළිබඳ තොරතුරු අපරාධ පරීක්ෂණ දෙපාර්තමේන්තුව විසින් මේ වනවිටත් අනාවරණය කරගෙන තිබේ. මෙම වාහන පරිහරණය කර ඇත්තේ දේශපාලන ක්ෂේත්රයට සම්බන්ධ ප්රභූවරුන්ගේ දරුවන් බවට හෙළි වී ඇති අතර, ඒ පිළිබඳව ද පුළුල් විමර්ශන ක්රියාත්මකය.
විමර්ශන නිලධාරීන් පවසන්නේ හිටපු ජනාධිපතිවරයාගේ පුත්රයා විසින් මෙලෙස කන්ටේනර් මඟින් හොර රහසේ මෙරටට පන්නා ඇති වාහන, මෝටර් රථ ප්රවාහන කොමසාරිස් දෙපාර්තමේන්තුවේ දූෂිත නිලධාරින්ගේ සහයෝගය ඇතිව ව්යාජ ලෙස ලියාපදිංචි කර ඇති බවය.
එලෙස හොර පාරෙන් මෙරටට ගෙන්වූ එක් වාහනයක් සම්බන්ධයෙන් පැවැති විමර්ශනයකදී අනාවරණය වී ඇත්තේ, එහි ලියාපදිංචි හිමිකරු ලෙස පෙනී සිටි දේශපාලනඥයෙකුගේ පුතෙකු පසුව එම වාහනයට අදාළ රේගු බදු ගෙවා ඇති බවයි.
වංචනික ලෙස මෙරටට ගෙන්වන මෙවැනි වාහන රාජසන්තක කරනු වෙනුවට, පසුව බදු ගෙවා නිදහස් කර ගැනීමට අවස්ථාව ලබාදීමේ ක්රමවේදයක් ද අතීතයේ ක්රියාත්මක වී ඇති බව මේ වනවිට අනාවරණය වී තිබේ.
මේ අතර, අපරාධ පරීක්ෂණ දෙපාර්තමේන්තුව විසින් සිදුකළ තවත් විමර්ශනයකදී එවැනිම ආකාරයේ සුඛෝපභෝගී වාහනයක් අත්අඩංගුවට ගෙන ඇත. පසුගිය ආණ්ඩු පෙරළියට සුළු කාලයකට පෙර මෙම වාහනය අත්අඩංගුවට ගෙන ඇති අතර, එම අවස්ථාවේදී වාහනය භාරව සිටි පුද්ගලයා ප්රකාශ කර ඇත්තේ එය හිටපු ජනපති පුත්රයෙකුට අයත් එකක් බවය.
අපරාධ පරීක්ෂණ දෙපාර්තමේන්තුව විසින් පසුව මෙම වාහනය ශ්රී ලංකා රේගුව වෙත භාර දී ඇත. වත්මන් රජය බලයට පත්වීමත් සමඟ පවතින දැඩි නීතිමය තත්ත්වය හේතුවෙන්, අදාළ වාහනයට බදු ගෙවා නිදහස් කර ගැනීමට වංචාකරුවන්ට නොහැකි වී තිබේ. ඒ අනුව එම සුඛෝපභෝගී වාහනය තවදුරටත් රේගු භාරයේ පවතින අතර, මේ පිළිබඳ ඉදිරි විමර්ශන සඳහා අදාළ හිටපු ජනපති පුත්රයා ඉදිරි සතියේදී CIDය හමුවට කැඳවීමට නියමිතය. ( දිනමිණ – ගයාන් කුමාර වීරසිංහ )
