ලලිත් චාමින්ද –
ගල් අගුරු ආනයන ක්රියාවලිය පිළිබඳ පූර්ණ විමර්ශනයක් අපරාධ පරීක්ෂණ දෙපාර්තමේන්තුව (CID) හරහා මේ වන විට ආරම්භ කර ඇති බව කෝප් කමිටුවේ සභාපති, ජාතික ජන බලවේගයේ ගාල්ල දිස්ත්රික් මන්ත්රී වෛද්ය නිශාන්ත සමරවීර පවසයි.
අද (16) ගාල්ලේ පැවති මාධ්ය හමුවකට එක්වෙමින් ඔහු සඳහන් කළේ මීට පෙර ගල් අගුරු ආනයනයේදී යම් සමාගම්වලට හිතාමතාම වංචනික ලෙස වාසි ලබා දී තිබේ නම් ඒ පිළිබඳ සොයා බැලීමේ වගකීම රජය සතු බවයි.
ගල් අගුරු ආනයනයේදී සිදුව ඇති බව කියන අක්රමිකතා සම්බන්ධයෙන් මන්ත්රීවරයා මෙසේද කරුණු පැහැදිලි කළේය.
“ගල් අගුරු ආනයන ක්රියාවලියේදී ගල් අගුරු තත්ත්වයෙන් බාල කියලා දැනුවත්ව ආනයනය ආනයනය කිරීම කරලා නැහැ. නමුත් ආනයනය කරනු ලැබූ ගල් අගුරුවල තත්ත්වයේ යම් අඩුවක් තියෙනවා. ලක්විජය බලාගාරයේ දහන ක්රියාවලිය මත ඒ බව නිරීක්ෂණය වෙලා තියෙනවා. ඒ මත සිදුවන යම් පාඩුවක් තියෙනවා නම් අදාළ ආයතනවලින් අයකර ගත යුතුයි කියන කාරණා පිළිබඳවත් මීට ඉහතදී කරනු ලැබූ ගල් අඟුරු ආනයන ක්රියාවලිය තුළ මෙවැනි අවධානයක් යොමු නොවී එම සමාගම්වලට වාසිදායක වන අයුරින් කටයුතු සිදුවූ ආකාරය කෝප් කමිටුවේදී සාකච්ඡා වුණා.”
“ගල් අගුරු ආනයන ක්රියාවලිය පිළිබඳ පූර්ණ විමර්ශනයක් අපරාධ පරීක්ෂණ දෙපාර්තමේන්තුව හරහා සිදු කිරීමටත්, මීට ඉහතදී ගල් අගුරු ආනයන ක්රියාවලියේදී සිදුවූ දුර්වලතා සකස් කළ යුතු වාගේම එම ක්රියාවලියේදී යම් යම් සමාගම්වලට හිතාමතා වංචනික ලෙස වාසිදායක වන අයුරින් කටයුතු කරලා තිබෙනවා නම් ඒ පිළිබඳ සොයා බැලීමේ වගකීමත් රජයට තියෙනවා.”
“රජය සහ කෝප් කමිටුව විදිහට අපි විගණකාධිපතිතුමියගෙන් ඉල්ලීමක් කළා ගල් අඟුරු ආනයන ක්රියාවලිය පිළිබඳ පරීක්ෂණ වාර්තාවක් දෙන්න කියලා. ජාතික විගණන කාර්යාලය මගින් ඉතා ස්වාධීනව පරීක්ෂණ වාර්තාවක් සපයලා තියෙනවා. අපි ඒ වාර්තාව පදනම් කරගෙන ගල් අඟුරු ආනයන ක්රියාවලිය ආරම්භයේ සිට අවසානය දක්වා ක්රියාවලිය පිළිබඳ කෝප් කමිටුවේදී ප්රශ්න කළා. ඒ සඳහා ආණ්ඩු පක්ෂයේ මෙන්ම විපක්ෂයේ මන්ත්රීවරු ද සම්බන්ධ වුණා. මේ සියලු දෙනා සක්රීය ලෙස මේ සඳහා දායක වුණා.”
“ගල් අගුරු ආනයන ක්රියාවලිය හරි පිළිවෙළකට ගේන්න අදාළ අමාත්යවරයා උපරිමව කටයුතු කරලා තියෙනවා. නමුත් විපක්ෂ කණ්ඩායම් විසින් ඇමතිවරයා නිර්දය ලෙස විවේචනය කිරීමට උත්සාහ කරනවා. ඇමතිවරයා මැදිහත් වෙලා ගල් අගුරු ආනයන ක්රියාවලිය වෙනස් කරලා තියෙනවා, ඒ නිසා රටට දැවැන්ත පාඩුවක් වංචාවක් සිදු කරලා තියෙනවා කියන අදහසක් දෙන්න උත්සාහ කරනවා.” යැයි ද මන්ත්රීවරයා වැඩිදුරටත් සඳහන් කළේය.
