දැනට අපරාධ පරීක්ෂණ දෙපාර්තමේන්තුව භාරයේ රඳවා තබාගෙන සිටින සළිඳු මල්ශිත ගුණරත්න හෙවත් කඩු සළිඳු ගේ ජීවිත ආරක්ෂාව තහවුරු කරන ලෙස ඉල්ලා ගොනුකර ඇති මූලික අයිතිවාසිකම් පෙත්සමක් සලකා බැලීම සඳහා ජුනි මස 21 කැඳවන ලෙස අද (04) ශ්රේෂ්ඨාධිකරණය විසින් දින නියම කළේය.
ඒ අද එම පෙත්සම අග විනිසුරු ජයන්ත ජයසූරිය ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේ කැඳවනු ලැබූ අවස්ථාවේ දී ය.
මැඩගස්කරයේ දී අත්අඩංගුවට ගෙන මේ වන විට අපරාධ පරීක්ෂණ දෙපාර්තමේන්තුව භාරයේ රඳවා සිටින ‘කුඩු සළිඳු’ නැමැත්තාගේ ජීවිතයට දැඩි අනදානමක් ඇති වී තිබෙන බව නීතිඥයෙක් මාර්ගයෙන් ගොනු කර ඇති එම පෙත්සමින් පෙන්වා දී ඇත.
පෙත්සම්කරු ඉල්ලා සිටින්නේ සිය ජීවිත ආරක්ෂාව තහවුරු කරන ලෙස අපරාධ පරීක්ෂණ දෙපාර්තමේන්තුවට අධිකරණ නියෝගයක් නිකුත් කරන ලෙසය.
