බහුපාර්ශවික අරමුදල් නියෝජිතායතනය වන ආසියානු සංවර්ධන බැංකුවේ ණය දීමේ මෙහෙයුම් තවත් ශක්තිමත් කිරීම සඳහා සාමාන්ය ප්රාග්ධන වැඩිවීමක් හරහා එහි කොටස් ප්රමාණය වැඩි කර ගත යුතු යැයි ඉන්දියාවේ ආර්ථික කටයුතු ලේකම් අජේ සෙත් පැවසීය. ඔහු මේ බව සඳහන් කළේ ආසියානු සංවර්ධන බැංකුවේ 55 වැනි වාර්ෂික රැස්වීමේදී අදහස් පළ කරමිනි.
මෙහිදී සිය කතාව ආරම්භ කරමින් සෙත් පැවසුවේ මුදල් ප්රතිපත්ති දැඩි කිරීම, ගෝලීය ආර්ථිකයේ මන්දගාමීත්වය, සැපයුම් දාම කඩාකප්පල් කිරීම්, උද්ධමනය හා ආහාර සුක්ෂිතතාව, ජීවනෝපායන් අනතුරේ හෙළමින් භාණ්ඩ මිල ඉහළ යමින් පවතින අවස්ථාවක ජනතාව හමුවීමට පැමිණි බවයි.
“රාජ්ය අවකාශය දැන් සැලකිය යුතු මට්ටමින් අඩු වෙලා, රාජ්ය ණය වැඩිවීම, අතිරේක ණය ගැනීම් සඳහා ඇති ඉඩකඩ සීමා කිරීම හේතුවෙන් ණය අවදානම් නරක අතට හැරිලා.. ආසියානු සංවර්ධන බැංකුවේ සීමිත ප්රාග්ධනය ප්රයෝජනයට ගැනීම සඳහා පුද්ගලික අංශයේ මෙහෙයුම් වැඩි කිරීම කාලීන අවශ්යතාවයක් වෙලා.. අපි දැරිය හැකි අන්දමේ නව්ය මූල්ය විසඳුම් සංවර්ධනය කිරීම කළ යුතුයි. එය සංවර්ධනය වෙමින් පවතින සාමාජික රටවල රැකියා උත්පාදනය කරාවි.. දිළිඳුකම අඩු කිරිම සඳහා අඛණ්ඩ අවධානයක් යොමු කර තිබෙන බැංකුවට ඊට අවශ්ය අන්දමින් සම්පත් රැස් කිරීමට සිදු වේව..” සෙත් වැඩිදුරටත් සඳහන් කළේය.
