අග්රාමාත්යවරයා හමු වී ඊයේ දිනයේදී, විසිදෙවන ආණ්ඩුක්රම ව්යවස්ථාවේ අරමුණු සාක්ෂාත් වන්නේදැයි යන්න පිළිබඳ සාකච්ඡා කළ නමුත් සාධනීය පිළිතුරක් නොලැබුණු බව විපක්ෂ නායක සජිත් ප්රේමදාස අද (06) පාර්ලිමේන්තුව අමතමින් පැවසීය.
විසිදෙවන ආණ්ඩුක්රම ව්යවස්ථා සංශෝධනයේ ප්රමුඛ අරමුණ වන්නේ විධායක ජනාධිපති ධූරයේ බලතල අහෝසි කිරීම බව ද රට බංකොලොත් වීමට මූලික වූ තනි තීන්දු ගැනීමේ තනි පුද්ගල ක්රමවේදය අහෝසි කිරීම බව ද විපක්ෂ නායකවරයා පැවසීය.
“ව්යවස්ථා සංශෝධනයෙන් පසුව වසර දෙකහමාරකින් පාර්ලිමේන්තුව විසිරුවීම වසර හතරහමාර කරනවද කියලා අපිට අග්රාමාත්යවරයාගෙන් උත්තරයක් ලැබුණේ නෑ. 22 වැනි සංශෝධනයේ අපිට එකඟ විය නොහැකි තැන් ගැනත් අපි කතා කළා. ද්විත්ව පුරවැසි භාවය, ඒ වගේම තමයි 44 වැනි වගන්තිය. ඒ වගන්තිය එක්ක කාට හරි ඇමතිකමක් ඕනේ වුණාම අගමැති හම්බවෙලා මචං ලෙවල් එකෙන් කතා කළා. පහුවදා ඇමැතිකම ගත්තා. ඒවා වෙනස් කරනවා කියලා සාධනීය පිළිතුරක් දුන්නා නම් අපි ඒක ධනාත්මක විදියට ගන්නවා.. ඒත් අද උදේ වෙනකම්ම අවසන් තීරණයක් නෑ..”
විපක්ෂ නායකවරයා වැඩිදුරටත් සඳහන් කළේය.
