-
රියදුරාටත් අත්දැකීම් නෑ… ඔහු පල්ලමේ ගිහින් තිබෙන්නේ ගියර 05ක් ඇති රථයේ 04 වැනි ගියරයේ… ගමන් කළ යුත්තේ සුළු ගියරයක….
මගින් පහළොවක් මියගොස් 17දෙනෙකුට බරපතල තුවාල සිදු වූ ඇල්ල අනතුරේ බස් රථයේ තිරිංග පද්ධතිය නිසි ලෙස නඩත්තු නොකිරීම නිසා ඒම තිරිංග පද්ධතිය පල්ලම බසින අතර අක්රීය වී ඇතැයි අනාවරණය වී තිබේ.
මේ අනාවරණය සිදුවන්නේ අනතුර සම්බන්ධව සෙවීමට මෝටර් රථ ප්රවාහන කොමසාරිස් ජනරාල් කමල් අමරසිංහගේ නියෝග මත පත් කළ පරීක්ෂණ කණ්ඩායම විසින් කරන ලද පරීක්ෂණයේ ප්රතිඵල ලෙසය.
අනතුර සිදුවීමට බලපෑ ප්රධාන හේතුව මෙම තිරිංග අක්රීය වීම බව විද්වත් කමිටුව ඉදිරිපත් කළ වාර්තාවේ සඳහන්ව ඇත.
ප්රභාත් රාජතේව, අරුණ බතීගම ගෙන් සමන්විත එම පරීක්ෂණ කණ්ඩායම තවදුරටත් අනාවරණය කරගෙන ඇත්තේ පල්ලමක් බැසීමේදී භාවිතා කළ යුතු සුළු ගීයරයක් වෙනුවට මෙම බස් රථය හතරවෙනි ගියරයේ පල්ලම බැස ඇති බවය.
මෙම බස් රථයේ සම්පූර්ණම ගියර් ප්රමාණය පහකි.(රිවස් ගියරය නොමැතිව ) බස් රථයේ පසුපස දකුණු පැත්තේ ටයර් පද්ධතියේ තිරිංග මුළුමනින්ම අක්රියව පැවැති බවද අනාවරණය වී ඇත.
2010 වසරේ නිෂ්පාදිත මෙම බස් රථය නිසි පරිදි නඩත්තු නොකිරීම කියන කරුණද අනාවරණය වී ඇත
