නීති විරෝධී ලෙස එකලස් කරන ලද සුඛෝපභෝගී වාහනයක් භාවිතා කිරීමේ සිද්ධිය සම්බන්ධයෙන් රක්ෂිත බන්ධනාගාරගතකර සිටි හිටපු රාජ්ය අමාත්ය ලොහාන් රත්වත්ත සහ ඔහුගේ බිරිය ශෂී ප්රභා රත්වත්තේ යළි ලබන 18 වැනිදා දක්වා රක්ෂිත බන්ධනාගාරගත කිරීමට අධිකරණය නියෝග කර ඇත. එම නියෝගය නිකුත් වන්නේ අද (07) සැකකාර යුවල නුගේගොඩ මහේස්ත්රාත් අධිකරණයට ඉදිරිපත් කිරීමෙන් අනතුරුවය.
මිරිහාන ඇඹුල්දෙණිය පාරේ සිය නිවසේ සඟවා තිබූ නීති විරෝධී ලෙස එකලස් කළ සුඛෝපභෝගී ජිප් රථය සම්බන්ධව විමර්ශනවලදී ශෂී ප්රභා රත්වත්තගෙන් සහ ලොහාන් රත්වත්තේගෙන් ලැබිය යුතු කිසිම සහයෝගයක් ලැබී තිබුණේ නැත. එමෙන්ම ඔවුන් දෙදෙනාම දිවි නසා ගත් ලේකම්වරයා විසින් මෙම නිවසට වාහනය ගෙනත් දැමූ බවට බොරු ප්රකාශ කරමින් මූලික විමර්ශන නොමග හැර තිබුණේය.
කෙසේ වෙතත් මෙම වාහනය නීති විරෝධීව එකලස් කළ එකක් බව රස පරීක්ෂකවාර්තාවෙන් හෙළි විය. තවද එම වාහනය ලොහාන් රත්වත්ත විසින් භාවිතා කළ වාහනක් බවත් ඔහු ඒ සඳහා යෙදාගෙන තිබුණේ සිය පළමු බිරියගේ වාහනයේ අංකය බවත් විමර්ශන කණ්ඩායම් විසින් හෙළි කරගත්තේය. අනතුරුව අදාළ සිද්ධිය සම්බන්ධයෙන් ඔක්තෝබර් 30 වනදා ලොහාන් රත්වත්තේ කටුගස්තොටදී මිරිහාන පොලීසිය මගින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව අද (07) දක්වා රක්ෂිත බන්ධනාගාරගත කළේය.
අනතුරුව ලොහාන් රත්වත්තේගේ බිරිය වන ශෂි ප්රභා රත්වත්තේ වට්ස්ඇප් මාර්ගයෙන් ලද නොතීසියකට අනුව පසුගිය 4 වනදා නුගේගොඩ මහෙස්ත්රාත් අධිකරණය හමුවේ පෙනී සිටි අතර එහිදී අත් අඩංගුවට ගත් ඇයත් අද දිනය දක්වා රක්ෂිත බන්ධනාගාරගත කෙරුණි.
ඒ අනුව සැකකාර රත්වත්තේ යුවළ අද පෙරවරුවේ නුගේගොඩ මහෙස්ත්රාත් අධිකරණයට ඉදිරිපත් කිරීමෙන් පසු මෙලෙස යළි 18 වැනිදා දක්වා රක්ෂිත බන්ධනාගාරගත කර ඇත.
