ශ්රී ලංකන් එයාර් ලයින් ගුවන් සමාගමේ සහ මහින්ද රාජපක්ෂ සමයේ ආරම්භ කළ මිහින් ලංකා ගුවන් සමාගමේ හිටපු සභාපති නිශාන්ත වික්රමසිංහ අද (27) අල්ලස් හෝ දූෂණ විමර්ශන කොමිසම විසින් අත් අඩංගුවට ගෙන තිබේ.
ප්රකාශයක් සටහන් කරගැනීම සඳහා අද උදේ අල්ලස් හෝ දූෂණ විමර්ශන කොමිෂන් සභාව ඉදිරියට නිශාන්ත වික්රමසිංහ කැඳවා තිබිණි.
ශිරන්ති රාජපක්ෂගේ වැඩිමහල් සොයුරු වූ නිශාන්ත වික්රමසිංහට එරෙහිව ශ්රී ලංකන් ගුවන් සමාගමේ ඇති ජාතික සම්පත් බරපතල ලෙස අවභාවිතා කිරීම සම්බන්ධව චෝදනා ගොනු වී තිබිණි.
ඔහු ධුරයේ සිටියදී ගුවන් ගුවන් යානා ගනුදෙනු සම්බන්ධයෙන් ගුවන් සමාගමේ තීරණ ගැනීමේ ක්රියාවලීන්ට සහ ගුවන් සේවා ප්රසාරණය සම්බන්ධ ගත් අතාර්කික තීන්දුවලට අදාළව සිදු වූ බවට චෝදනා එල්ල වන අක්රමිකතා සහ විෂමාචාර සම්බන්ධයෙන් ඔහු අත්අඩංගුවට ගෙන තිබේ.
