පුද්ගලයෙකු පැහැරගෙන ගොස් ඝාතනය කිරීමේ සිද්ධියක් සම්බන්ධයෙන් ශ්රී ලංකා නාවික හමුදාවේ හිටපු අණදෙන නිලධාරී අද්මිරාල් (විශ්රාමික) නිශාන්ත උළුගේතැන්න අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ. ඒ පුද්ගලයෙක් අතුරුදහන් කිරීමේ සිද්ධියකට අදාලව කරන විමර්ශනයක් සඳහාය.
වාර්තාවන තොරතුරු අනුව සිද්ධියට මුල් වන්නේ අපරාධ චෝදනා සහිතව සිටි පුද්ගලයෙක් 2010/07/25 වැනි දින අලව්ව පොලිසියෙන් අත් අඩංගුවට ගැනීමෙන් පසුව පෙළ ගැහෙන සිද්ධි දාමයක් බවට තොරතුරු ඇත.
මෙම තැනැත්තා අලව්ව පොලිස් අත් අඩංගුවේ සිටිය දී වැළඳෙන රෝගී තත්ත්වයක් මත රෝහල් ගත කරන බවත් එම රෝහල්ගත කිරීමෙන් අනතුරුව ඔහු සම්බන්ධ තොරතුරක් නොමැති බවත් වාර්තා වී තිබිණි.
කෙසේ වෙතත් අපරාධ පරීක්ෂණ දෙපාර්තමේන්තුවේ හිටපු නිලධාරියෙක් වූ නිශාන්ත ද සිල්වා විසින් මේ විමර්ශනයට අදාල වාර්තාවක මෙම පැහැරගෙන ගිය පුද්ගලයා ත්රී කුණාමලය නාවික හමුදා කඳවුරක සිටි බවට සිදුකර ඇති කරුණු දැක්වීමක් මත එවකට නාවික හමුදා බුද්ධි අධ්යක්ෂකව සිටි නිශාත් උළුගේතැන්න අපරාධ පරික්ෂණ දෙපාර්තමේන්තුව විසින් අත් අඩංගුවට ගෙන ඇත්තේ ඉදිරි විමර්ශන කටයුතු සඳහා බව වාර්තා වේ.
