-
ජංගම දුරකථනය කොළඹ අපරාධ කොට්ඨාසයට භාර දෙන්නැයි හල්ලොලුවට අධිකරණය නියෝග කළ විට භාර දී ඇත්තේ වෙනත් දුරකථනයක්!
ජනාධිපතිවරයාගේ ග්රීසියේ මුදල් ගනුදෙනු සම්බන්ධව සිදුකළ බරපතල අනාවරණයකින් අනතුරුව තමන්ට වෙඩි තබා තමන් සතුව තිබු වැදගත් ලියකියැවිලි පැහැර ගෙන ගිය බවට පොලිසියට පැමිණිලි කළ හිටපු ජනාධිපතිවරයාගේ මහජන සම්බන්ධතා අධ්යක්ෂ ජනරාල් මෙන්ම ජාතික ලොතරැයි මණ්ඩලයේ හිටපු ක්රියාකාරී අධ්යක්ෂ තුසිත හල්ලොලුව සිද්ධියට අවශ්ය ඉදිරි පරීක්ෂණ සඳහා සිය ජංගම දුරකථනය ලබා දීම මගහරින බව විමර්ශන අංශ අද (29) අධිකරණයට දන්වා සිටියේය.
කොළඹ අපරාධ කොට්ඨාසය අධිකරණයට කළ දැනුම්දීම අනුව අධිකරණය අද උදෑසන තුසිත හල්ලොලුවට සිය ජංගම දුරකථනය කොළඹ අපරාධ කොට්ඨාසයට භාර දෙන ලෙස නියෝග කළේය.
අද සවස නඩුව යළි කැඳවූ අවස්ථාවේ දී කොළඹ අපරාධ කොට්ඨාසය අධිකරණයට දැන්වූයේ හල්ලොලුව අධිකරණ නියෝගය අනුව දුකරථනයක් කොළඹ අපරාධ කොට්ඨාසය වෙත ලබා දුන්න ද එම දුරකථනය සිද්ධිය වූ දිනයේ දී භාවිතා කළ දුරකථනය නොවන බවට කරුණු අනාවරණය වී තිබෙන බවය.
පැමිණිලිකරු සිද්ධියට මුහුණ දුන් දිනයේ භාවිතා කළ ජංගම දුරකථනය භාර දෙන ලෙසට නියෝගයක් නිකුත් කරන්නැයි විමර්ශන නිලධාරීහු අධිකරණයෙන් ඉල්ලා සිටියහ.
