සෞඛ්ය වර්ජනය හේතුවෙන් මේ වනවිට අඩාල වී ඇති රෝහල් කටයුතු බාධාවකින් තොරව පවත්වා ගැනීම සඳහා ගැනීම සඳහා යුද හමුදා සෙබළුන් 1,100ක් යොදවා ඇතැයි ශ්රී ලංකා යුද හමුදාව පවසයි.
දෙවැනි දිනටත් අද සිදුකෙරෙන සෞඛ්ය වර්ජනයෙන් පීඩාවට පත් රොගීන්ට සහන සැලසිමට යුද හමුදාපති ලුතිනන් ජෙනරාල් විකුම් ලියනගේ උපදෙස් මත මෙම භටපිරිස් සෞඛ්යය සහායක සේවා සඳහා යෙදවා ඇත.
දැනට බටහිර, මධ්යම, නැගෙනහිර සහ වන්නි ආරක්ෂක සේනා ආඥාපතිවරුන්ගේ පුර්ණ අධීක්ෂණය යටතේ කොළඹ සහ මහනුවර ජාතික රෝහල් කලුබෝවිල, කරාපිටිය, මහමෝදර, පේරාදෙණිය, අනුරාධපුර සහ කුරුණෑගල ශික්ෂණ රෝහල් ද අක්ෂි රෝහල කොළඹ, මාතලේ, පොළොන්නරුව, මැදිරිගිරිය, හිගුරක්ගොඩ, මඩකලපුව, දෙහිඅත්තකණ්ඩිය, හම්බන්තොට, දෙබරවැව, රත්නපුර, බලංගොඩ, ඇහැළියගොඩ, නාවලපිටිය, බදුල්ල, ඇල්පිටිය, හෝමාගම සහ කෑගල්ල ඇතුළු රෝහල් 64ක සඳහා යුද හමුදාව යොදවා තිබේ.
ඉදිරියේ දී ඇතිවන අවශ්යතාවයන් මත අනෙකුත් රෝහල්වලට යුද හමුදා සාමාජිකයින් යෙදවීමට සුදානමින් සිටින ලෙසත් යුද හමුදාපතිවරයා උපදෙස් ලබාදී තිබේ.
මේ අතර ශ්රී ලංකා ගුවන් හමුදාවෙන් සෙබළු 188ක් සහ නාවික හමුදාවෙන් සෙබළු 93 දෙනෙකු රෝහල් සේවය වෙනුවෙන් යොදවා ඇතැයි වාර්තා වේ. – දෙරණ
