නතාෂා නෙත්මිණි –
කොළඹ ජාතික රෝහලේ හදිසි අනතුරු අංශයේ 72 වාට්ටුවේ කනිෂ්ඨ කාර්ය මණ්ඩල සාමාජිකයින් 4 දෙනෙකු කොවිඩ් ආසාදනය වීම නිසා එහි සේවය කළ අනෙකුත් කනිෂ්ඨ කාර්ය මණ්ඩල සාමාජිකයින් සහ උපස්ථායකයින් 32 දෙනෙකු නිරෝධායනයට යැවීම හේතුවෙන් හදිසි අනතුරු අංශයේ රෝගී සත්කාර සේවාවන් කිරීමට නොහැකි වී ඇතැයි සමස්ථ ලංකා හෙද නිලධාරීන්ගේ සංගමයේ සභාපති එස් මැදිවත්ත සඳහන් කරයි.
දිනකට හදිසි අනතුරු අංශය වෙත රෝගීන් 75 – 100 අතර සංඛ්යාවක් ඇතුළත් කරන බවත් ඔවුන්ව එක්ස් කිරණ, ස්කෑන්, ඇතුළු පරික්ෂණයන් සඳහා රෝගීන්ව ගෙනයාමට, රෝගීන් සඳහා ආහාර ගෙන ඒම ආදී රෝගීන්ට අවශ්ය සත්කාර සේවාවන් ලබා දීමට කනිෂ්ඨ කාර්ය මණ්ඩ සාමාජිකයින් නොමැති වීමෙන් රෝගී සත්කාර සේවාවන් මුළුමනින්ම බිඳ වැටී ඇතැයි ඔහු පැවසුවේය.
දින 5කපමණ කාලයක් පුරා මෙම තත්ත්වය පවතින අතර මේ පිලිබඳව විසඳුමක් ලබා දෙන මෙන් රෝහල් අධ්යක්ෂවරයාට සහ හදිසි අනතුරු අංශයේ අධ්යක්ෂවරයාට දැනුම් දුන් නමුත් ඔවුන් තාවකාලික විසදුම් ලබා දෙනවා හැරුණු කොට ස්ථීර විසදුමක් ලබා නොදුන් බවද හෙතෙම පෙන්වා දුන්නේය.
වෙනත් වාට්ටුවක සේවය කරන කනිෂ්ඨ කාර්ය මණ්ඩල සාමාජිකයින් 72 වාට්ටුව වෙත ලබා දුන්නද ඔවුන් රෝහල් වාට්ටුව තුළ රැදෙමින් කටයුතු නොකිරිම හේතුවෙන් රෝගී සත්කාරයන් කරගෙන යාමට නොහැකි තත්ත්වයක් උදා වී ඇතැයිද ඔහු සදහන් කළේය.
මේ තත්ත්වය තුල හෙද කාර්ය මණ්ඩලය සහ වෛද්යවරුන් දැඩි අපහසුතාවයකට පත්ව ඇති බැවින් මෙය නිසි විසදුමක් ලබා නොදුණහොත් හෙද කාර්ය මණ්ඩලයද නිවාඩු දමා සේවයට වාර්තා නොකිරිමට කටයුතු කරන බවත් ඔහු පැවසුවේය.
මේ සම්බන්ධයෙන් ලංකාසර හදිසි අනතුරු අංශයේ අධ්යක්ෂ ලයනල් මොහන්දිරම්ගෙන් විමසු කල ඔහු සඳහන් කලේ කොවිඩ් ආසාදිතව සිටි කණිෂ්ඨ කාර්ය මණ්ඩලය සාමාජිකයනි හතර දෙනෙකුට පමණ කොවිඩ් ආසාදනය වී ඇති බැවින් ඔවුන්ව ප්රතිකාර සදහා අදාල අංශවෙත යොමු කළ අතර හදිසි අනතුරු අංශයේ පවතින කණිෂ්ඨ කාර්ය මණ්ඩල පුරප්පාඩු සදහා වෙනත් වාට්ටුවලින් සේවකයින්ව යොදවා ඇති බවත්ය.
