සෙස් බද්ද ඩොලරයේ අගයට ගැලපීම නිසා පාසල් සිසුන් එදිනෙදා භාවිතා කරන ද්රව්යවල මිල දැඩිලෙස ඉහළ යෑමට කිසිම හේතුවක් නැතැයි මුදල් රාජ්ය අමාත්ය රන්ජිත් සියඹලාපිටිය අද (19) පාර්ලිමේන්තුවේ දි පැවසුවේය.
නොවැම්බර් 15 වැනිදා ඩොලරයේ අගය මත ගැලපුම් කළ සෙස් බද්ද නිසා ආනයනය කරන ද්රව්ය අතර මුද්රිත පොත්, අභ්යාස පොත්, පැන්සල්, මකන හා අභ්යාස පොත් නිශ්පාදනය කිරීම සඳහා අවශ්ය කඩදාසි කිසිවක මිල වැඩි නොවුන බවත්
එබැවින් එම ද්රව්යවල ආනයන්හි හෝ දේශීය නිශ්පාදනයන්හි මිල වැඩිවීම සෙස් බදු ගැලපීමෙන් සිදුනොවන බවත් අමාත්යවරයා පැහැදිලි කළේය. .
ආනයනය වටිනාකම මත සෙස් බද්ද පනවන්නේ ආනයන ද්රව්යවලට ආදේශකයන් අප රට තුළ පවතින විටදී බැවින් මෙම බදු පැනවීමේ පරමාර්ථය අප රටේ නිශ්පාදනයන් ආරක්ෂා කරගැනීම බව ඔහු කීවේය.
ආනයන නිශ්පාදනවලට ඉතා හොඳ තරගකාරීත්වයක් ලංකාව තුළ ලබා දෙන බෝල්පොයින්ට් පෑන්, පාවහන් හා බෑග් ආදියේ සෙස් බද්ද ඩොලරයේ වටිනාකම වෙනස් වීමට ගැලපීම් කළ බැවින් එම ද්රව්යවල මිල වැඩිවීමක් සිදුවිය හැකි නමුත් දේශීයව නිපදවන ද්රව්යවල මිල වැඩිවීමට කිසිම ඉඩක් නැති බව ඇමතිවරයා පෙන්වා දුන්නේය.
දේශීයව නිශ්පාදනය කරන එම ද්රව්යවල යම් කොටස් ආනයනයේ දී මිල වැඩිවීමට සෙස් බදු බලපා ඇතිනම් ඒ පිළිබඳව කටයුතු කරනු ලබන බවද ඇමතිවරයා පාර්ලිමේන්තුවට දැනුම් දුන්නේය.
