සූරියවැව නුවන් ජයසේකර –
හම්බන්තොට දිස්ත්රික්කයට අයත් සූරියවැව ප්රාදේශීය ලේකම් බලප්රදේශයේ පිහිටි ග්රාම සේවා වසම් 21න් ග්රාම සේවා වසම් 19කටම වසර ගණනාවක සිට උග්ර ලෙස වන අලි ගැටලුව පවතින බවත්, මේ වනතුරුත් කිසිදු බළධාරියෙකු ඒ සඳහා නිසි වැඩපිළිවෙළක් සකස් නොකිරීමත් නිසා අද වන විට ජන ජිවිත දැඩි අනතුරකට ලක්ව ඇති බවත් ජනතාව පවසති.
සූරියවැව ප්රාදේශීය ලේකම් බල ප්රදේශයේ පිහිටි වල්සපුගල, කොස්වගාව, මහ අන්දරවැව, හස්තිපුර, නමඩගස්වැව, බැදිගන්තොට, කටුකැපුආර, වැලිආර, වැලිවැව,14 කණුව, මීගහජදුර, බෝගහඉදිවැව, 18 කොළණිය, රම්මුදුවැව, වැවේගම, මුත්තගල්ආර, දියවරගම ඇතුළු ගම් රැසක ජනතාව වන අලි ගැටලුව හේතුවෙන් මේ වන විට දැඩි පීඩාවකට පත්ව සිටිති.
ජනතාව පෙන්වා දෙන්නේ වන අලින්ට ඉන්න තිබුණු කැලෑ මේ වෙන විට විවිධ ව්යාපාරිකයන් විසින් දේශපාලන හිතවත්කම් මත හෙළි පෙහෙළි කිරිම නිසා වන අලි ගැටලුව උග්ර වි ඇති බවයි. මේ හේතුව නිසා පාරම්පරික ගොවි ගම්මානවල ජනතාවට සිය නිවාස, දේපළ, ගොවිතැන් මෙන්ම සිය ජිවිත රැක ගැනීම වෙනුවෙන් මහත් වෙහෙසක් දැරීමට මේ වන විට සිදුව තිබේ.
සෑම දිනකම සවස හය පමණ වනවිට වන අලි ගම් වදින බවත් මේ හේතුව නිසා ලෙඩක් දුක්ක හැදුනත් බෙහෙත් ටිකක් ගන්න යාමටවත් නොහැති තරම් වන අලි ගැටලුව උග්ර වි ඇති බවත් ඔවුහු කියති.
නිමක් නැති වනඅලි ගැටලුව නිසා තමන්ට සිය ජිවිතද එපා වි ඇති බවත්, සැම දිනකම රැයක් පහන්වන තුරු සිය ජීවිත පිළිබඳ කිසිදු විශ්වාසයක් නොමැති බවත් ජනතාව වැඩිදුරටත් පෙන්වා දෙති.
වන අලි පළවා හැරීමට මෙන්ම විදුලි වැට නඩත්තු කිරිමට මේ වන විට වාර්ෂිකව රුපියල් මිලියන 427ක මුදලක් වියදම් කර දිවයින පුරා නිළධාරීන් 845 දෙනෙකු යොදවා ඇතත් මෙතෙක් අලි මිනිස් ගැටුම උග්ර වුවා මිසක් ඊට කිසිදු විසදුමක් ලැබී නොමැති බවටද ජනතාව චෝදනා කරති.
මේ සම්බන්ධයෙන් අප දැනට අලි වැට නඩත්තු කරන සිවිල් ආරක්ෂක නිළධාරීන් කිහිප දෙනෙකුගෙන්ම විමසිමක් කළ අතර එහිදී ඔවුන් පැවසුවේ තමන් වන අලි කඩා දමන විදුලි වැට නඩත්තු කිරිම් සිදුකලද වන අලි පළවා හැරීම පිළිබදව කිසිදු පුහුණුවක් තමන්ට ලබා දී නොමැති බවයි.
එබැවින් වන අලි ගම් වදින අවස්ථාවලදි වන අලි පළවා හැරිමේ කටයුත්තක් තමන් සිදු නොකරන බවත් ඒ සඳහා කිසිදු පහසුකමක්ද තමන් වෙත ලබා දී නොමැති බවත් ඔවුහු කීහ.
මේ ගැටළුව සම්බන්ධයෙන් අප වනජිවී නිළධාරීන් කිහිප දෙනෙකුගෙන්ද විමසීමක් කළ අතර එහිදී ඔවුන් පැවසුවේ මේ සම්බන්ධයෙන් කිසිවක් මාධ්ය වෙත ලබා දීමට හැකියාවක් නොමැති බවය.
කෙසේ නමුත් දිනපතා වන අලි ගම් වැදිම් පිළීබඳ දුරකතන ඇමතුම් විශාල ප්රමාණයක් එක රැයකට එන බවත් මේ සඳහා යාමට ප්රමාණවත් වනජීවී නිළධාරීන් පිරිසක් මෙන්ම ප්රවාහන පහසුකම්ද නොමැති බවත් හා ඔවුන් සදහා කිසිදු ප්රමාණවත් පහසුකමක් ලබා දිමට මෙතෙක් වගකිවයුතු ඉහළ නිළධාරීන් කටයුතු කර නොමැති බවත් ඔවුන් පැවසීය.