හම්බන්තොට දිස්ත්රික්කයේ අඩු ආදායම් ලාභී ගැබිණි මව්වරුන් 2000කට පෝෂ්යදායී ආහාර මලු පිරිනැමීමේ අරමුණින් Global Vision Foundation විසින් සංවිධානය කරනු ලබන සමාජ සත්කාර ව්යාපෘතියේ පළමු අදියර ලෙස සූරියවැව ප්රදේශයේ ගම්මානවල ගැබිණි මව්වරුන් 500කට පෝෂණ මලු පිරිනැමීමේ වැඩසටහන පසුගියදා සූරියවැව නගර සභා පරිශ්රයේදී පැවැත්විණි.
Global Vision Foundation (සුනිල් ගමගේ පදනම) සභාපති හා ජපානයේ ශ්රී ලංකා කොන්සල් ජෙනරාල් සුනිල් ගමගේ මහතාගේ සංවිධායකත්වයෙන් සහ ජපානයේ Tex Technology Incorporation සභාපති Tetsuro Yoshida මහතාගේ අනුග්රහයෙන් පැවැති මෙම ගැබිණි මව්වරුන්ට පෝෂ්යදායී ආහාර මලු පිරිනැමීමේ වැඩසටහනට ප්රධාන ආරාධිත අමුත්තා ලෙස සහභාගී වූයේ ජපානයේ හිටපු අමාත්ය සහ වත්මන් පාර්ලිමේන්තු මන්ත්රී Matsushita Shipei මහතාය. එසේම හම්බන්තොට දිස්ත්රික්කයේ පරිපාලන හා සෞඛ්ය නිලධාරීහු රැසක් සහ ජපන් තානාපති කාර්යාලයේ විධායක නිලධාරීහුද මෙම වැඩසටහනට සහභාගි වූහ. හම්බන්තොට දිස්ත්රික්කයේ දරිද්රතාව තුරන් කිරීමේ සහ ගැබිණි මව්වරුන්ගේ හා දරුවන්ගේ පෝෂණ මට්ටම ඉහළ නැංවීමේ අරමුණින් මෙම සමාජ සත්කාරක ව්යාපෘතිය ආරම්භ කර ඇත. මෙවන් ව්යාපෘති රැසක් ඉදිරියේදීද ක්රියාත්මක කිරීමට Global Vision Foundation අපේක්ෂා කරයි. ඒ සඳහා ජපානයේ ප්රමුඛ පෙළේ ව්යාපාර ආයතන රැසක සහයෝගය ලැබීමට නියමිතය.
