මේ වන විට දිවයින පුරා ඩීසල් මිලට අලෙවි කරනු ලබන්නේ, සුපිරි ඩීසල් බවත් බලශක්ති ඇමතිවරයාගේ නිර්දේශ මත මෙසේ බෙදා හරින සුපිරි ඩීසල් ලීටර මිලියන 36ක ඉන්ධන තොගය නිසා ඛනිජ තෙල් නීතිගත සංස්ථාවට සිද්ධවන ශුද්ධ අලාභය රුපියල් දහසය කෝටි විසි ලක්ෂයකට අධික බවත් ඛනිජ තෙල් සංස්ථා ආරංචි මාර්ග සඳහන් කරයි.
වාර්තාවන පරිදි සිද්ධිය මෙසේය.
පසුගිය 26 වැනි දින ගුවන් යානා ඉන්ධන තොගයක් රැගෙන මෙරටට නෞකාවක් පැමිණියේය. ඉන්ධන තොගය රැගෙන ආවේ මේ වන විට මහත් මතභේදයට තුඩු දී ඇති coral energy සමාගම හරහාය.
එම නෞකාවේ ම තවත් සුපිරි ඩීසල් මෙට්රික් ටොන් 30.000 රැගෙන පැමිණ ඇත. එම ඉන්ධන තොගය ගොඩබෑම සඳහා සූදානම් වුවත් එවා ගබඩා කිරීම සඳහා අවශ්ය ගබඩා පහසුකම් තිබී නැත. ප්රමාණවත් ගබඩා පහසුකම් නැති පසුබිමක දී ගෙන්වූ මෙම සුපිරි ඩීසල් තොගය සාමාන්ය ඩීසල් ලෙස ගොඩබෑමට බලශක්ති අමාත්ය කාංචන විජේසේකර විසින් ඛනිජ තෙල් සංස්ථා නිලධාරීන්ට උපදෙස් ලබා ලබා දී එම සංස්ථාවේ අභ්යන්තර ආරංචි මාර්ග හෙළිදරව් කරයි.
සිපිරි ඩීසල් සාමාන්ය ඩීසල් ලෙස බෙදා හැරීමේ දී දී එක් ඩීසල් ලීටරයකින් ඛනිජ තෙල් සංස්ථාවට රුපියල් 45ක පමණ පාඩුවක් සිදු වෙමින් ඇතැයි පැවසිනි. එහි දී අමාත්යවරයා ඛනිජ තෙල් සංස්ථා බලධාරීන්ට උපදෙස් දී ඇත්තේ, සුපිරි ඩීසල් සඳහා අය කෙරෙන බදු ප්රමාණය අඩු කර එම පාඩුව අවම කර ගැනීමට පියවර ගන්නා ලෙස ය.
මෙලෙස ආනයනය කරන ලද සුපිරි ඩීසල් ලීටර මිලියන 36 සාමාන්ය ඩීසල් මිලට අලෙවි කිරීම හරහා ඛනිජ තෙල් සංස්ථාවට රුපියල් දහසය කෝටි විසි ලක්ෂයකට අධික පාඩුවක් සිදු වන බව ඛනිජ තෙල් සංස්ථා අභ්යන්තර ආරංචි මාර්ග කියයි.
හිරු –
