සුනාමි ව්යසනය සිදු වී අදට (26) වසර 18කි. වර්ෂ 2004 දෙසැම්බර් 26 වැනි දා උදුවප් පොහෝ දා ඉන්දුනීසියාවේ සුමාත්රා හී බටහිර වෙරළට ඈතින් හටගත් භූමිකම්පාවෙන් ඇති වූ සුනාමි ව්යසනය, ශ්රී ලංකාවට බලපෑවේය.
එම ව්යසනයට ශ්රී ලංකාවේ මුහුදුබඩ දිස්ත්රික් 14ක් ගොදුරු වූයේය. ඉන් මියගිය සංඛ්යාව 35,000ක් ඉක්මවා තිබිණි.
සුනාමි ව්යසනයෙන් සහ අනෙකුත් ආපදා හේතුවෙන් මිය ගිය ජනතාව සිහිපත් කිරීම සඳහා 2005 අංක 15/1975/715/001-1 දරන අමාත්ය මණ්ඩල පත්රිකාව අනුව 2006 වර්ෂයේ සිට සෑම වර්ෂයක ම දෙසැම්බර් මස 26 වැනි දින ‘ජාතික සුරක්ෂිත දිනය’ ලෙස ප්රකාශයට කෙරිනි.
සුනාමි ව්යසනයෙන් සහ අනෙකුත් ආපදාවලට ගොදුරු වීමෙන් මිය ගිය මහජනතාව සිහිපත් කරමින් දෙසැම්බර් මස 26 වැනි දින පෙරවරු 9.25 සිට පෙරවරු 9.27 දක්වා විනාඩි දෙකක නිශ්ශබ්දතාවක් පැවැත්වීමට ද ශ්රී ලාංකිකයෝ කටයුතු කරති.
එමෙන්ම ජාතික සුරක්ෂිත දිනයේ ප්රධාන සැමරුම් උත්සවය ගාල්ල පැරෑලිය සුනාමි ස්මාරකය අභියසදි පැවැත්වෙමින් ඇත.
සුනාමි ව්යවසනයට හසු ව හානිවූ අංක 50 දරණ දුම්රිය එන්ජිම සහිත දුම්රියක් ද මෙම අවස්ථාවේ දී පැරෑලිය වෙත පැමිණෙනු ඇත.
සුනාමියෙන් මිය ගිය අයගේ පවුල්වල ඥාතීන් පිරිසක් එම දුම්රියෙන් පැමිණ සැමරුම් වැඩසටහන හා එක්වනු ඇත.
