රට වැටී ඇති අර්බුදයේ වගඋත්තරකරුවකු වුවද ජනාධිපති ලේකම් පී.බී. ජයසුන්දර ගෙදර යැවීමෙන් පමණක් ප්රශ්න විසඳනේනේ නැතැයි පාර්ලිමේන්තු මන්ත්රී පාඨලී චම්පික රණවක මහතා පවසයි.
දැන් සියලු පව් ජනාධිපති ලේකම්වරයා පිට පැටවීමට ඇතැමුන් උත්සහ කරන බව ද හෙතෙම කියාසිටී.
ඒ පිළිබඳ පාඨලී චම්පික රණවක මන්ත්රීවරයා වැඩිදුරටත් මෙසේ පැවැසීය.
“රට අතිශය භයානක අනතුරක වැටී තිබේ. දැන් මේ සියළු පව් ජනාධිපති ලේකම් පී.බී. ජයසුන්දර හරහා පිට කිරීමේ උත්සාහයක් පවතී. ජයසුන්දර පැහැදිලිවම මේ අර්බුදයේ වග උත්තරකරුවෙකි. ඔහු සහ අජිත් නිවාඩ් කබ්රාල් යන නිලධාරීන් දෙදෙනා සහ තවත් නිලධාරීන් කිහිප දෙනෙක් විශේෂයෙන්ම ප්රවාහන ක්ෂේත්රයේ මෙන්ම මහාමාර්ග ක්ෂේත්රයේ, බලශක්ති ක්ෂේත්රය භාරව සිටි අමාත්යාංශ ලේකම්වරු කිහිපදෙනෙක් මේ සම්බන්ධයෙන් වගකිව යුතු බව සැබෑය.
නිලධාරීන්ගේ පැත්තෙන් සුදු කරපටි අපරාධකාරයා ජයසුන්දරය. නමුත් ජයසුන්දර මහතා ගෙදර යැවීමෙන් ප්රශ්නය විසඳෙන්නේ නැත.
“මොකද ප්රශ්නයේ මුල රාජපක්ෂවරු රාජපක්ෂ පවුල. ඒ නිසා ජයසුන්දර ගෙදර යැවීමෙන් ඇත්තටම ජයසුන්දර මහත්තයා බේරෙන එක විතරයි වෙන්නේ. මේ අර්බුදය ජනතාවගේ හිස මත කඩා වැටෙන්න නියමිතයි. ඊළඟ සති කිහිපය ඇතුලත. ඒවා ජාත්යන්තර මූල්ය අරමුදලට යනවද නැද්ද කිය කිය කතා කර කර ඉන්නවා. මතක තබා ගත යුතුයි ජාත්යන්තර මූල්ය අරමුදලට ඒ තිබිච්ච වැඩපිළිවෙළ 2020 ජූනි මාසේ ඒකට පයින් ගැහුවෙ මේ ආණ්ඩුව, මේ ජනාධිපති, මේ අගමැති, මේ මුදල් ඇමති එතකොට ඒකට යන එක දැන් පමා වැඩියි. මොකද ඒකට ගිය හැටියේ ඒගොල්ලො කරන පලවෙනි දේ තමයි මේ ණය ප්රතිව්යුහගත කිරීම සඳහා යෝජනාවලියක් ගේන එක. ඒ කියන්නේ ප්රායෝගිකව අපි බංකොලොත්භාවය පිළිඅරගෙන තමයි ඒක කරන්නේ. එතකොට ඇතිවන ව්යසනයන් දරාගත නොහැකි වෙයි. මොකද මේ ප්රශ්නය දැන් උඩු දුවලා වැඩියි.”
