ලලිත් චාමින්ද –
-
ප්රවාහන හා ගිනුම් අංශවල විවිධ පදනම්වලින් ලබා ගත් කෝටි 14ක් වටිනා වාහන 82කට මෝටර් රථ වාහන ලියාපදිංචි කිරීමේ දෙපාර්තමේන්තුවේ ලියාපදිංචියවත් නෑ…
සිවිල් ආරක්ෂක දෙපාර්තමෙන්තුව සතුව තිබු වාහන 108ක් එම දෙපාර්තමේන්තුව තුළ නොමැති බව ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
මෝටර්රථ ප්රවාහන දෙපාර්තමේන්තුවේ සිවිල් ආරක්ෂ දෙපාර්තමේන්තුව නමින් ලියාපදිංචි වාහන 128ක් පැවති අතර ඉන් වාහන 108 දෙපාර්තමේන්තුව තුළ පවතින බවට සාක්ෂි විගණනයට ඉදිරිපත් වි නොතිබුණි.
එමෙන්ම සිවිල් ආරක්ෂක දෙපාර්තමෙන්තුවේ ප්රවාහන සහ ගිණුම් අංශය යන අංශයන් දෙකෙහිම පැවති වාහන 444ක් අතුරින් වාහන 82ක් මෝටර් රථ ප්රවාහන දෙපාර්තමේන්තුවේ ලියාපදිංචි වී නොතිබුණි.
එසේ ලියාපදිංචි වි නැති වාහනවල වටිනාකම රුපියල් දාහතර කෝටි, එක්ලක්ෂ තිස්පන්දහසකි (140,135,000)
සිවිල් ආරක්ෂක දෙපාර්තමේන්තුව සම්බන්ධයෙන් 2023 වර්ෂයට අදාලව නිකුත්කොට ඇති කාර්යසාධන වාර්තාවට ඇතුළත් කොට ඇති විගණන වාර්තාවේ මෙම තොරතුරු ඇතුළත්ව ඇත.
