ශිරන්ති රාජපක්ෂට අද (27) පෙරවරු 09ට පොලිස් මූල්ය අපරාධ කොට්ඨාසය හමුවේ පෙනී සිටින ලෙස දැනුම් දී තිබේ.
ඇයට පසුගිය සිකුරාදා දිනයේ මෙම දැනුම්දීම සිදුකර තිබේ. පොලිස් මූල්ය අපරාධ කොට්ඨාශය සඳහන් කළේ මහින්ද රාජපක්ෂ ජනාධිපතිවරයා ලෙස කටයුතු කළ සමයේ ‘සිරිලිය’ නමින් පවත්වාගෙන ගිය ගිණුමේ මූල්ය අක්රමිකතා සම්බන්ධයෙන් සිදුකරන විමර්ශනවලට අදාළව ප්රකාශයක් ලබාගැනීම සඳහා මෙම කැඳවීම සිදුකර ඇති බවය.
යහපාලන ආණ්ඩු සමයේ මෙම සිදුවීම සම්බන්ධයෙන් පළමුවරට විමර්ශන ආරම්භ කරනු ලැබුව ද එහි විමර්ශන ප්රගතියක් දැකගන්නට ලැබුණේ නැත.
මේ අතර කොළඹ මියුසියස් විදුහල අසල ඇති නිවෙසක් 2013.04.05 දිනැති ඔප්පුව මඟින් ශිරන්ති රාජපක්ෂගේ නමට මිලදී ගැනීම සම්බන්ධයෙන් විමර්ශනයක් සිදු කරන ලෙස “අල්ලස දූෂණය නාස්තියට එරෙහි පුරවැසි බලය” සංවිධානය අල්ලස් හෝ දුෂණ විමර්ශන කොමිෂන් සභාවට පැමිණිල්ලක් ද සිදු කර තිබිණි.
මේ නිවෙස සිරිලිය ගිණුමේ තිබූ රුපියල් ලක්ෂ 350ක් වැය කර මිලදී ගෙන ඇති බවට ඉඩමට අදාළ ලේඛන පරීක්ෂා කිරීමේදී සඳහන් වන බව එම පැමිණිල්ලේ පෙන්වා දී ඇත.
මෙය දූෂිත ගනුදෙනුවක් බවට හැඟී යන බැවින් මේ සම්බන්ධයෙන් විධිමත් පරීක්ෂණයක් කරන ලෙස එම සංවිධානය ඉල්ලා තිබේ.
