ප්රමුඛ පෙළේ ජාත්යන්තර ඛනිජ තෙල් සමාගමක් වන සිනොපෙක් විසින් නුදුරේදීම රට තුළ ව්යාපාරික මෙහෙයුම් ක්රියාත්මක කිරීමත් සමඟ රජය ඉන්ධන සඳහා උපරිම සහ අවම මිලක් හඳුන්වා දෙනු ඇති බව ඉහළ පෙළේ ආරංචි මාර්ග පවසයි.
සිනොපෙක් සමාගම ශ්රී ලංකාවේ ඉන්ධන බෙදා හැරීමේ ගිවිසුමට දැනටමත් අත්සන් තබා ඇති අතර එම සමාගම රට තුළ අලෙවි නියෝජිතයන් 150ක් මෙහෙයවන ඉන්ධන පිරවුම්හල් පවත්වාගෙන යෑමට නියමිතය. ඊට අමතරව තවත් විදේශීය ඉන්ධන සමාගම් දෙකකට රට තුළ ක්රියාත්මක වීමට පසුව අවසර දෙනු ලැබේ.
දැනට මෙරට ඉන්ධන බෙදාහරින්නන් වන්නේ රජය සතු ලංකා ඛනිජ තෙල් නීතිගත සංස්ථාව සහ ලංකා ඉන්දියන් ඔයිල් සමාගමයි.
මෙම විදේශීය සමාගම් මෙහෙයුම් ආරම්භ කළ පසු ඉදිරියේදී මිල සූත්රයකට අනුව උපරිම සහ අවම ගාස්තුවක් හඳුන්වා දෙන බවට රජයේ නියෝජිතයෙක් ඩේලි මිරර් වෙත ප්රකාශ කොට ඇත.
“සමාගම් නියමිත සීමාව තුළ තරඟකාරී විය යුතුය. කෙසේ වෙතත්, අපට ඉක්මනින් මිල අඩුවීමක් අපේක්ෂා කළ නොහැකයි, ”යන්න එම නියෝජිතයා පවසා තිබේ.
ඉන්ධන සලාකනය සඳහා හඳුන්වා දී ඇති QR කේත පද්ධතියෙන් ද රජය නුදුරේදීම ඉවත් වනු ඇතැයි ද එම නියෝජිතයා තවදුරටත් පවසා තිබේ.
මේ අතර RM Parks-Shell සමාගම ජුනි 8 වැනිදා ගිවිසුම අත්සන් කිරීමෙන් පසු ශ්රී ලංකාවේ ඉන්ධන වෙළඳාම ආරම්භ කිරීමට නියමිතය. ප්රධාන තෙල් සැපයුම්කරුවෙකු ලෙස සෞදි අරාබිය සැපයුම් සීමා කිරීමට තීරණය කර ඇති නිසා ලෝක වෙළෙඳපොළේ ඉන්ධන මිල ඉහළ යාමට ඉඩ තිබේ.
ඩේලි මිරර්
