මනම්පිටිය නිමල් ජයරත්න –
අධ්යාපන පොදු සහතික පත්ර සාමාන්ය පෙළ විභාගය නිම වූ 26 වෙනිදා දිනයේ දිඹුලාගල අධ්යාපන කලාපයේ ලීලාරත්න විජේසිංහ මහා විද්යාලයේ මෙවර සාමාන්ය පෙළ විභාගයට පෙනී සිටි සිසුන් අනූ අට දෙනකු තම විද්යාලයට ගෞරවයක් වශයෙන් ප්රධාන ගේට්ටුවේ මල් කළඹ දවටා විද්යාලයට වැඳ නමස්කාර කර ගෞරව දක්වා පාසලෙන් සමු ගැනීමේ පුවතක් වාර්තා වුණි.
විභාගයට මුහුණ දුන් සියලු සිසුන් විද්යාලයේ බුදු මැදුරට ගොස් පන්සිල් සමාදන් වීමෙන් අනතුරුව පෙළට ගමන් කර විභාග ශාලාවල සිටි ගුරුභවතුන්ටද වැඳ නමස්කාර කර සමුගැනීම සිදුකළහ.
පසුව මෙම සිසුන් පෙළට ගොස් විද්යාලයේ ප්රධාන ගේට්ටුවේ මල් කළඹ එල්ලා පාසල් ගීතය ගායනා කරමින් විනාඩි පහක පමණ කාලයක් වැඳ නමස්කාර කළහ.
විභාග අවසන් වී විවිධ ප්රදේශවල ඇතැම් පාසල් සිසුන් විද්යාලයට මෙන්ම සමාජයට නොහොඹිනා අකටයුතුකම් කර පාසලට අගෞරවයක් එක් කරන වකවානුවක දිඹුලාගල ලීලාරත්න විජේසිංහ මහා විද්යාලයේ මෙවර සාමාන්ය පෙළ විභාගයට පෙනී සිටි සිසු සිසුවියන් රටට සහ ලෝකයට ලබාදුන් ආදර්ශය මහත් පූර්වාදර්ශයකි.
ලීලාරත්න විජේසිංහ මහා විද්යාලයේ හය වසරේ සිට දහතුන වසර දක්වා පාසල් සිසුන් පන්සිය දෙදෙනෙකු අධ්යාපනය ලබන අතර ගුරුවරුන් හතළිස් එක්දෙනකු සේවය කරයි. මෙම විද්යාලයේ විදුහල්පපතිනිය වන්නේ එන්. රෝහණී මල්කාන්තීය.
මෙහිදී අදහස් දක්වමින් විභාග ශාලාවේ සිටි ගුරුවරුන් සඳහන් කළේ, තමන් මෙවැනි සිද්ධියක් දුටු පළමු අවස්ථාව බවත්, මෙම ආදර්ශය රටටත් ලෝකයටත් ලැබිය යුතු බවත්, කීවේය.
