ශ්රියානි විජේසිංහ –
විශ්වවිද්යාල අනධ්යන සේවකයිගේ වැටුප් ගැටලුව විසඳීමට මුදල් අමාත්යංශයේ අනුමැතිය ලබාගැනීමෙන් පසුව කැබිනට් මණ්ඩල තීරණය ප්රකාශ කළ හැකි බවට ඊයේ (13) දැනුම් දීමත් සමඟ විශ්වවිද්යාල අනධ්යන සේවකයින් ආරම්භ කර තිබු වැඩ වර්ජනය තවත් තීව්ර කරමින් අඛන්ඩව ඉදිරියටම පවත්වාගෙන යාමට තීරණය කර තිබේ.
ඒ පිළිබදව අද සවස කොළඹදී පැවැත්වෙන වෘත්තීය සමිති නායකයින්ගේ සාකච්ඡාවෙන් අනතුරුව ගන්නා ක්රියාමාර්ගයන් නිවැරදිව ප්රකාශයට පත් කළහැකි බව පේරාදෙණිය විශ්ව විද්යාලයේ වෘත්තීය සමිති බලමණ්ඩලයේ ප්රධාන ලේකම් ටී.ඒ.ඩී. සුරංජීව මේ පිළිබඳව අදහස් දක්වමින් ලංකාසරට පැවසුවේය.
අනධ්යයන සේවකයින්ගේ යෝජනාවන් ඊයේ (13) දිනය තුළ අධ්යාපන ඇමති සුසිල් ප්රේමජයන්ත මහතා විසින් කැබිනට් මණ්ඩලයට ඉදිරිපත් කර ඇත.
කෙසේ නමුත් විශ්ව විද්යාල අනධ්යයන කාර්ය මණ්ඩල ආරම්භ කර තිබෙන වැඩ වර්ජනය හේතුවෙන් විශ්ව විද්යාල තුළ ආරක්ෂක සේවා සැපයීම, ජල සැපයුම, ගොවිපලවල් පවත්වාගෙන යාම, පශු වෛද්ය කටයුතු, ඇතුළු සේවාවන් රැසක්ම මේ වන විටත් බොහෝම ස්ථානයන්හි බිඳ වැටි ඇත.
නමුත් ඇතැම් විශ්ව විද්යලයන් තුළ එම සේවාවන් යම් තාක්දුරකට හෝ ස්වෙච්ඡාවෙන්ම සිදුකරන බව ලේකම්වරයා පැවසුවේය.
කෙසේ නමුත් අනධ්යන සේවක වෘත්තීය සමිති නායකයින් අද දහවල් කොළඹදි රැස්වෙන අතර වැඩ වර්ජනය සම්බන්ධයෙන් ගනු ලබන ක්රියාමාර්ගයන් කෙබදුද යන්න පිලිබද දැනුම් දිය හැකි බවද හෙතෙම ලංකාසර කළ විමසුමකදී අවධාරණය කළේය.
