ශ්රියානි විජේසිංහ –
සබරගමුව පළාතේ විශේෂඥ වෛද්යවරුන් 10ට ආසන්න සංඛ්යාවක් සහ සීමාවාසික වෛද්යවරුන් 30ට අධික පිරිසක් මේ වන විට රටහැරයාම හේතුවෙන් රෝහල් කටයුතු පවත්වාගෙන යාමේ දැඩි අසීරුතාවකට මුහුණපා ඇතැයි සබරගමු පළාත් සෞඛ්ය අධ්යක්ෂ කාර්යාලයේ ප්රකාශකයෙකු සඳහන් කළේය.
සෞඛ්ය අමාත්යංශයට නොදන්වා රටහැරගිය වෛද්යවරුන්ගේ සංඛ්යාව මීට සමානව හෝ මීට අධික විය හැකි බව ද එම ප්රකාශකයා වැඩිදුරටත් අනාවරණය කළේය .
ප්රදේශයේ අක්ෂි ශල්ය වෛද්යවරයා සෞඛ්ය අමාත්යංශයට නොදන්වා රටහැරයාම හේතුවෙන් ඔහුගෙන් අක්ෂි ප්රතිකාර ලබා ගත් රෝගීන් දැඩි අපහසුවකට පත්ව ඇතැයිද වාර්තාවේ.
මේ වන විට කහවත්ත , වරකාපොළ සහ කරවනැල්ල රෝහල්වල විශේෂඥ වෛද්යවරුන් නොමැති වීම හේතුවෙන් එම රෝහල්වලට ප්රතිකාර ගැනීමට පැමිණෙන රෝගීන්ට විශේෂඥ සේවාවන් ලබාගැනීමට නොහැකි වී ඇතැයි සදහන් වේ.
විශේෂඥ වෛද්යසේවාවන් , ඖෂධ සහ පරික්ෂණ ප්රතිකාරයන් නොමැතිවීමෙන් රෝගී ජනතාව ඉතා අසීරුතත්ත්වයකට මුහුණ දී ඇතැයි එම ප්රකාශකයා වැඩිදුරටත් සදහන් කළේය.
