සහෘද රසිකයන්ගේ මහත් ගෞරවයට පාත්රවූ සම්මානිත රංගන ශිල්පියෙක් වූ සතිෂ්චන්ද්ර එදිරිසිංහයන් අභාවප්රාප්ත වූ බව සංවේගයෙන් යුතුව ලියා තබමු.
1941 වසරේ පෙබරවාරි 11 වැනි මස කැලණියේ දී උපත ලද සතිෂ්චන්ද්ර එදිරිසිංහයන් දිවි සැරියෙන් සමු ගන්නා විට 84 වැනි වියේ පසුවූයේය.
වේදිකාව, සිනමාව සහ ටෙලි නාට්ය ක්ෂෙත්රය තුළ සතිෂ්චන්ද්ර එදිරිසිංහයන්ගේ රංගන භූමිකාව පුරා දශක පහක් පුරා දිව යන්නකි. පාසල් සමයේ සිට සිය රංග ප්රභාව පෙන්වූ සතිෂ්චන්ද්ර එදරිසිංහ දකුණු පළාත් හොඳම නළුවා ලෙස අන්තර්පාසල් නාට්ය තරගයක දී සම්මානිත වූ අතර 1953 වසරේ සිට එවකට රේඩියෝ සිලෝන් හි ළමා පිටිය වැඩසටහනට සම්බන්ධ වී සිටියේය.
එදිරිසිංහයන් සිය වේදිකා නාට්ය ජීවිතය ආරම්භ කරන්නේ 1961 වර්ෂයේ දී ය. ඔහුගේ අමතක නොවන නාට්ය රංගනය 1965 දී හෙන්රි ජයසේනගේ මනරංජන වැඩ වර්ජන වේදිකා නාට්ය ය වූයේය. පසුව ක්ෂේතය තුළ සම්භාවනාවට ලක් වෙමින් ගුණසේන ගලප්පත්ති, දයානන්ද ගුණවර්ධන, හෙන්රි ජයසේන, සුගතපාල ද සිල්වා, ආර්.ආර්. සමරකෝන්, සුනන්ද මහේන්ද්ර, රංජිත් ධර්මකීර්ති, එස්. කරුණාරත්න, ලුෂන් බුලත්සිංහල, වැනි රටේ ප්රමුඛ පෙළ නාට්යකරුවන් සමඟ ඔහු ක්ෂේත්රය තුළ දැවැන්ත භූමිකාවක රූපණය කළේය.
චිත්රපට 35කට පමණ රංගනයෙන් දායක වී ඇති එදිරිසිංහයන් සිය සිනමා දිවිය ආරම්භ කරන්නේ වර්ෂ 1966 දී රෙජී පෙරේරා විසින් අධ්යක්ෂණය කළ සැඩොල් කඳුළු චිත්රපටයෙනි. 1982 දී ඔහුගේ අධිෂ්ඨානය චිත්රපටය ජර්මනියේ ජාත්යන්තර මැන්හයිම් චිත්රපට උළෙලේදී ප්රදර්ශනය කරන ලදී. ඔහු සිය කෘතිය ලුඩ්විග්ෂාෆෙන් චිත්රපට සම්මේලනයට ද ඉදිරිපත් කළේය.
එදිරිසිංහයන්ගේ පළමු රූපවාහිනී චරිත නිරූපණය සිද්ධ වන්නේ 1982 දී ලුෂන් බුලත්සිංහලගේ එක මවකගේ දරුවෝ නාට්යයෙනි. නාට්යයේ ඔහු ප්රධාන චරිතයක් වන පාසල් විදුහල්පතිවරයෙකු ලෙස රඟපෑවේය. ශ්රී ලංකා රූපවාහිනියේ මුල් අවධියේදී මිහිකතගේ දරුවෝ, තාරාදේවි සහ පලිඟු මැණිකේ වැනි ජනප්රිය ටෙලි නාට්ය රැසක ඔහු රඟපෑවේය.
ශ්රී ලාංකේය සිනමා කලා ක්ෂේත්රයේ එක්තරා යුගයක් ආවරණය කළ මේ අති විශිෂ්ට කලකාරුවාගේ අවසන් කටයුතු පසුව දැනුම් දෙනු ලැබේ.
