විපක්ෂ නායක සජිත් ප්රේමදාස මහතා ඇතුළු සමගි ජනබලවේගයේ කණ්ඩායමක් සහ ශ්රි ලංකා නිදහස් පක්ෂය, විමල් වීරවංශ, උදය ගම්මන්පිල ඇතුළු පක්ෂ 11 ක නියොජිතයන් සහ අනුර ප්රියදර්ශන යාපා ප්රමුඛ ස්වාධීන වූ කණ්ඩායම් නියෝජිතයන් අතර අද සවස පැජට් පාරේ හිටපු ජනාධිපති මෛත්රීපාලි සිරිසේනගේ නිල නිවසේ පැවති සාකච්ඡාව තීරණයකින් තොරව නිමා වී ඇත.
එහිදී සමගි ජනබලවේග නියෝජිතයන් විධායක ජනාධිපති ක්රමය අහෝසි කිරීම සඳහා පනත් කෙටුම්පතකක් ගෙන ඒම සහ 20 වැනි සංශෝධනය ඉවත් කොට ඒ වෙනුවට 21 වැනි සංශෝධනයක් ගෙන ඒම ඇතුළු යෝජනා කිහිපයක් වහා සිදු කළ යුතු බවට වූ කරුණු දක්වා තිබේ.
මේ සම්බන්ධව දීර්ඝ ලෙස කරන ලද සංවාදයකින් අනතුරුව ඉදිරි පියවර ඉක්මනින් හමුවන නව සාකච්ඡා වටයකින් පසු තීරණය කිරීමට දෙපාර්ශවයම එකඟ වී තිබේ.
එමෙන්ම ආණ්ඩු පක්ෂය නියෝජනය කරමින් ස්වාධීන වූ ඉහත මන්ත්රි කණ්ඩායම් ත්රිත්වය මේ වනවිට ජනාධිපති ගෝඨාභය රාජපක්ෂ විසින් කැඳවනු ලැබ ඇති අතර එහිදි අන්තර්වාර ආණ්ඩුව සම්බන්ධයෙන් මෙන්ම සමගි ජනබලවේගය වෙතින් ඉදිරිපත් වූ කරුණු ද සහිතව සාකච්ඡා කරමින් ඇති බවත් එම සාකච්චාව මේ වනවිටත් ක්රියාත්මක බවත් වාර්තා වේ.
කියවන්න..
අද පැජට් නිවසේ සාකච්ඡාවෙන් පසු පක්ෂ නායකයන් ජනපති හමුවට සූදානම්…
