තමන් පාර්ලිමේන්තුවට කරුණු ඉදිරිපත් කළේ වගකීමකින් බවත් සමගි ජන බලවේගයට සම්බන්ධ ඇතැම් මන්ත්රීවරුන් සමග ඇති පාතාල සම්බන්ධය නම් ගම් සමග හෙළි දරවු කිරීමට සූදානම් බවත් මහජන ආරක්ෂක ඇමති ආනන්ද විජේපාල අද පාර්ලිමේන්තුවේ දී පැවසුවේය.
ඇමතිවරයා ඊයේ පාර්ලිමේන්තුවේ දී කීවේ පාතාල කල්ලි 10ක් සමග එක්සත් ජාතික පක්ෂය සහ සමගි ජන බලවේගය නියෝජනය කරන ප්රබල දේශපාලන චරිත සම්බන්ධකම් පවත්වන බවට බුද්ධි තොරතුරු හෙළි කර ඇති බවය.
මන්ත්රීවරයා මේ බව පැවසුවේ විපක්ෂ නායක සජිත් ප්රේමදාස කළ ප්රකාශකට පිිළිතුරු දෙමිනි. සජිත් ප්රේමදාස සිය කතාව අතර මෙසේ පැවසුවේය.
“ඊයේ දිනයේ මහජන ආරක්ෂක ඇමතිවරයා ප්රකාශ කළා සමගි ජන බලවේගයේ නායකයින්, දේශපාලකයින් පාතාලය සමග සම්බන්ධයි කියලා. මම ඉල්ලිමක් කරනවා මහජන ආරක්ෂක අමාත්යවරයාගෙන් කරුණාකරලා පාතාලයත් එක්ක සම්බන්ධ සමගි ජන බලවේගයේ නායකයො කවුද?, නායකයා සම්බන්ධ ද, ඒ නායකත්ව කණ්ඩායමේ තනතුරු දරණ අය සම්බන්ධ ද? සාමාජිකයො සම්බන්ධ ද… කරුණු කාරණා ඉදිරිපත් කරන්න… ගත්තු කටට තවත් බොරුවක් තුළින් රට අන්දවන්න හදන්න එපා. රටේ ජනතාව නැවත වරක් අන්දන්න හදන්නේ නැතිව… අපි කියනවා බොහොම පැහැදිලිව… සමගි ජන බලවේගය පාතාලය එක්ක සම්බන්ධ නෑ… ” සජිත් ප්රේමදාස පැවසුවේය.
ඊට පිළිතුරු දෙමින් මහජන ආරක්ෂක ඇමති ආනන්ද විජේපාල මෙසේ පැවසුවේය.
“විපක්ෂ නායක තුමා… මම මේ සම්බන්ධව ඊයේ දිනයේත් මීට පෙර දිනකත් පාතාල සම්බන්ධතා පිළිබඳව කරුණු ඉදිරිපත් කළා. ඒවා වගකීමකින් ඉදිරිපත් කළේ. දත්ත එක්ක කතා කරන්න කියලා. අපට පුලුවන සජබෙ සමහර මන්ත්රීවරුන් එක්ක තියන පාතාල සම්බන්ධකම් පිළිබඳව මේ සභාවට හෙළිදරවු කරන්න. විමර්ශනයක් පවතිනවා. විමර්ශනයෙන් පසුව අප මේ සභාවට කාරණා ඉදිරිපත් කරනවා. ”
“ඔබතුමා හැන්සාඩ් එක බලන්න. මෙතනදී සමහර නම් ඉදිරිපත් කළා. මම අවධාරණය කරන්නේ මේ පිළිබඳව මෙතනදී කරුණු ඉදිරිපත් කළා නම් ඒක වගකීමක් ඇතිව ඒක කළේ. මෙතන බොරු කියන්න අපි සූදානම් නෑ. ඔබතුමාලට හැම වෙලාවෙම තම තමන්ට උවමනා දේවල් කියන්න පාවිච්චි කරන්න බෑ. වගකීමක් ඇතිව කියලා තියෙන්නේ. නම් ඉදිරිපත් කරලා තියනවා. හැන්සාඩ් එක ඔබතුමා අරන් බලන්ඩ. ගිය සතියට පෙර සතියේ මම ඉදිරිපත් කළා.”
“ඒ හින්දා මම ඉදිරියටත් මේ කාරණා ගැන කතා කරනවා. දැනට විමර්ශනයක් යන නිසා මේ කාරණා දැන් මම ඉදිරිපත් කරන්න අදහස් කරන්නේ නෑ.”
සජිත් ප්රේමදාස – “ඔබතුමාගෙන් අහන්න කැමතියි සමගි ජන බලවේගයේ නායක කාරකාදීන් සාමාජිකයින් සබන්ධනම් පාතාලයත් සමග ඔබතුමා නම් ගම් සමග හෙළිදරවු කරන්න.”
මහජන ආරක්ෂක ඇමති – හැන්සාඩ් එක අරන් බලන්න…
